Dön’ya matbuğatına küzätü 19.03.2021

Qatarda çığuçı “Al-Raya Al-Katariya” gazetı yazğança Angliya 30 yıldan soñ berençe tapqır atom-töş arsenalın arttırdı.

Omanda basıluçı “VATAN” gazetı beldergänçä Bötendön’ya sälamätlek saqlaw oyışmasına kürä koronaviruska bäyle ülemnär häm awıru oçraqların azaytu öçen vakŝina şart.

Livannıñ “El-Mustakbal” basması xäbär itkänçä Qızıl diñgezdä Misır häm AQŞ arasında xärbi künegülär ütkärelä.  

Alman telendäge “Süddeutsche Zeitung” gazetı citkergänçä Awrupa Daru agentlığına kürä AstraZeneka vakŝinasınıñ faydası riskınnan kübräk.

“Frankfurter Allgemeine” basması Germaniyaneñ könbatış vilayät’lärendä layıqlı yaldağılarnıñ xezmät xaqınıñ artmawın yaza.

Argentinadağı İnfobae xäbär säxifäse yazğança Berläşkän Millätlär Oyışması Boliviyada êlekke däwlät başlığı qulğa alınğannan soñ xäzerge ilbaşınıñ ildä keşe xoquqlarına xörmät kürsätüen taläp itte.

RİA Novosti mäğlümat agentlığı xäbärenä kürä AQŞ ilbaşı Djo Bayden BMO İminlek Şurasına äğza illärneñ daimi wäkilläre belän ütkärgän onlayn cıyılışta Rusiyä daimi wäkil yärdämçese däräcäsendä qatnaştı.

TASS agentlığı beldergänçä Bolgariyada Rusiyä isemennän şımçılıq başqarularınnan şiklänelgän berniçä keşe qulğa alındı.

Franŝiyaneñ “Le Monde” gazetı citkergänçä ildä koronaviruska qarşı ayıruça Parij töbägendä uramğa çığu tıyuı ğamälgä keräçäk.

France 24 televideniyese xäbär itkänçä AQŞ ilbaşı Djo Baydennıñ törkeme häm Qıtay räsmi zatları arasındağı berençe söyläşüdä küñelsez minutlar küzätelde.

Şveyŝariyaneñ “Le Temps” basması yazğança Daniyada sälamätlek saqlaw çaralarına qarşı kilgän öçen törmä cäzası birelä alınaçaq.  

Tatar-inform mäğlümat agentlığı beldergänçä cırçı Dänif Şäräfetdinovnı däwalawğa aqça cıyu iğlan itelgän. Anıñ bügenge köndä xäle bik awır.