Dön’ya matbuğatına küzätü 18.03.2021

Germaniyäneñ zdf.de säxifäse yazğança, Awrupa Berlege komissiyäse räise urınbasarı Margaritis Sxinas Awrupa śifrlı vakśina tanıqlığınıñ 1nçe iyün’gä äzer bulaçağın belderde.

Welt.de säxifäse citkergänçä, Germaniyädä keşe urlawçılarğa qarşı ber ük waqıtta ike operaśiyä oyıştırıldı.

Deutsche Welle gazetası xäbär itkänçä, Germaniyädä çiktän tış uñçılarnıñ internetta rasaçılıq belän köräşüçe keşelärneñ isemleklären çığaruına çik quyıla.

İspaniyäneñ “El Mundo” gazetı citkergänçä, ilneñ Marbella şähärendä AstraZeneka vakśinası yasatqannan soñ insul’t kiçerep wafat bulğan xatın-qız uqıtuçınıñ üleme tikşerelä.

Çilineñ “La Tercera” gazetı xäbärenä qarağanda, älege ildä Sinovak klinik sınawları näticäläre vakśina yasatuçılarnıñ 90%ınıñ ikençe dozadan soñ antitänçeklärgä iyä buluın kürsätkän.

Franśiyäneñ “Le Monde” gazetı ildä Kovid-19dan iñ küp zarar kürüçe töbäklärdä bu atna axırında östämä çikläwlär kerteläçägen citkerä.

Şul uq ilneñ “Le Figaro” gazetı yazğança, 2020nçe yılnıñ sälamätlek krizisı däwlätkä 160 milliard yevroğa töşte.

 Al Jazeera kanalı xäbär itkänçä, Misırda xökümät Kovid-19nıñ öçençe dulqını xaqında kisätte.

Şulay uq, Al Jazeera citkergänçä, Reyters xäbär agentlığı AQŞ ilbaşı Djo Bayden idaräseneñ fälästinlelär belän mönäsäbätlärne qabat tözü öçen yaña plan êşläwe turında yaza.

 “Rossiyskaya gazeta”sı xäbär itkänçä, Rusiyä tışqı êşlär ministrlığı AQŞ ilbaşı Djo Baydennıñ belderülärennän soñ Vaşingtondağı ilçesen söyläşülär öçen Mäskäwgä çaqırdı.

“İzvestiya” gazetı yazğança, Rusiyädäge mobil’ operatorlarnıñ qullanuçıları xaqındağı mäğ’lümatlarnı Roskomnadzorğa birüläre mäcbüriläşterelergä mömkin.

“Tatar-inform” mäğ’lümat agentlığı xäbär itkänçä, Qazanda Näyrüz bäyräme programması bilgele buldı.