Dön’ya matbuğatına küzätü 15.03.2021

Qatarda basıluçı “Al-Raya Al-Katariya” gazetı yazğança Qatar koordinaŝiyasendä İstanbulda kiläse aynı Äfğanstan belän bäyle ber cıyılış oyıştırılaçaq.  

Omanda çığuçı “VATAN” basması beldergänçä Bötendön’ya sälamätlek saqlaw oyışması koronaviruska qarşı köräş programmasına kübräk xuplaw kürsätergä çaqırdı.

Livannıñ “El-Mustakbal” gazetı xäbärenä kürä London citäkçelege Süriyä ilbaşı Beşşar Esed xäläl cefeteneñ ingliz watandaşlığın beterergä häm terrorçılıqqa qarşı köräş qısalarında xökemgä tartırğa uylıy.   

Germaniyadäge Deutsche Welle media oyışması citkergänçä ildä reanimaŝiyalärdä personal citmi.

Alman telendäge Zeit Online xäbär säxifäse yazğança Germaniyada koronavirus çaraların protestlarda 12 poliŝiya xezmätkäre yaralandı.

Şul uq ilneñ Spiegel Online internet säxifäse beldergänçä Awrupa Berlege Komissiyase başlığı yärdämçese Timmermanska kürä vakŝina strategiyasendä xatalar yasaldı.

İspaniyada çığuçı “El Mundo” basması xäbär itkänçä Latin Amerika AQŞ häm Qıtay arasındağı dön’ya gegemoniyase öçen yaña suğış mäydanı buldı.

Franŝiyaneñ “Le Parisien” gazetı citkergänçä ildäge Fänni Şura soñğı beldergesendä Kovid-19 kizüenä qarşı regional’ strategiya kiñäş itte.

Şul uq ildä basıluçı “Le Monde” basması dön’yanıñ 3nçe zur qoral êksportçısı Franŝiyaneñ qoral satışlarınıñ 2016-2020 yıllarda 44%ka üsüen yaza.

Franŝuz telendä çığuçı “Le Figaro” gazetı yazğança Franŝiya prem’yer-ministrı kizü tudırğan krizistan çığu planın barlıqqa kiterü öçen hönärçe berlekläre häm êş birüçelär belän küreşäçäk.

TASS agentlığı xäbärenä kürä Rusiyä häm AQŞ dön’yanıñ iñ zur qoral êksportçısı bulırğa däwam itä.

“İzvesiya” gazetı citkergänçä FIFA 3 rus sportçısı xaqında doping tikşerüe başlattı.

“Tatar-inform” mäğlümat agentlığı beldergänçä bügen Qamal teatrı artistı, Rusiyä häm Tatarstannıñ xalıq artistı, Tatarstannıñ Tuqay isemendäge Däwlät buläge laureatı Näcibä İxsanova belän sawbullaştılar.