Dönya matbuğatına küzätü 12.03.2021

“Deutsche Welle” xӓbӓr itkӓnçӓ, Robert Kox institutı başlığı Lotar Vayler Germaniyӓdӓ Kovid -19 nıň öçençe dulqınınıň başlanğanın belderde.

“zdf.de” sӓxifӓse Awrupa Berlege komissiyӓseneň “Johnson &Johnson”nıň Kovid -19 vakśinasın raslawın citkerӓ.  

“Spiegel.de” beldergӓnçӓ, Germaniyӓdӓ 2017-2020  nçe yıllar arasında çiktӓn tış uňçılıq hӓm  terror qorbannarına yӓki alarnıň tuğannarına 16 million yevro kompenśaśiya tülӓngӓn.

“Le Soir” basması 2016nçı yılnıň 22nçe martında Bel’giyӓdӓ bulğan höcümnӓrdӓ ğayeplӓnüçelӓrneň höcüm aldınnan “sınap qaraw cinayӓte” başqaruları açıqlandı dip yaza.

“Le Monde” gazetı  yazğança,Franśiya sӓlamӓtlek saqlaw ministrı  Oliv’ye Veran ӓytüençӓ, Kovid -19 arqasında ildӓge xӓl kiyerenke hӓm borçılu ,bik üzgӓrüçӓn.

“Le Parisien” basması ber tikşerenüneň ӓgӓr keşe Kovid -19 belӓn awırğan bulsa vakśinanıň ikençe dozasınıň kirӓk tügellegen kürsӓtüe turında yaza.

“El País” gazetı  yazğança, vakśina yasatqan keşelӓrneň immun sisteması koronavirusnıň barlıq qurqınıç mutaśiyӓlӓren tӓêsirsez qıla.

“ABC” gazetı “AstraZeneca” şirkӓte citeştergӓn Kovid -19 vakśinasına şiklӓrneň sӓyӓsi kiyerenkelekne arttıruın citkerӓ.

“La Tercera” citkergӓnçӓ, tikşerenülӓr buyınça, 2100 nçe yılda cӓyge sezon Tön’yaq yarımşarda 6 ay dӓwam itӓçӓk.

“El Raya” gazetı Katar ӓmire Şӓyex Tamim bin Hamad Al Thaninıň Törkiyӓ tışqı êşlӓr ministrı Mӓvlüt Çavuşoğlu belӓn kiçӓ Doxada küreşüen hӓm strategik mönӓsӓbӓtlӓrne küzdӓn kiçerülӓren citkerӓ.

“Eldustour” basması yazğança, Vaşington atom - töş kileşüen tulısınça ütӓmiçӓ Tӓhranğa qarata sankśiyӓlӓrneň beterelmӓyӓçӓgen belderde.

“RİA Novosti” agentığı xӓbӓr itkӓnçӓ, Awrupa Berlege ilçelӓre qayber Rusiya rӓsmilӓrenӓ qarata yaňa sankśiyӓlӓr turında kileştelӓr. Sankśiyӓlӓr Awrupa Berlegenӓ kerüne tıyunı hӓm mal-mölkӓtne tuňdırunı üz êçenӓ ala.

“Lenta.ru” Ukraina milli qurqınıçsızlıq hӓm saqlanu şurasınıň “Qırım hӓm Sevastopol’ne basıp aludan azat itü strategiyӓse” n raslawın belderӓ.  

“İzvestiya” gazetı Törkiyӓneň rusiyӓlelӓr öçen iň populyar yal itü urınına ӓwerelüe turında yaza. Bu yazda bu ilgӓ barlıq xalıqara oçış biletlarınıň 34,6%ı bron’lanğan.

“Tatar – inform” xӓbӓr itkӓnçӓ, Rusiyӓneň “Sputnik V” koronavirus vakśinasın terkӓgӓn illӓr sanı 50 gӓ citte.