Dön’ya matbuğatına küzätü 09.03.2021

“Le Soir” basması beldergänçä Bel’giyaneñ Gent Universitetında öyrätelgän êtlär koronavirus häm yaña törlären taba ala.

“France 24” televideniyese Amerikalı räzmi zatlarnıñ vakŝinaŝiyalängän keşelärneñ bitleksez oçraşa alaçağın äytüen citkerä.

Yordaniyada çığuçı “el-Düstur” gazetı yazğança AQŞnıñ Minnesota ştatında uzğan yılnı Djordj Floydnı ütergän poliŝiya xezmätkäreneñ mäxkämä utırışı başlandı.  

Angliyada basıluçı bäysez ğaräp gazetı “el-Quds el-Arabi” citkergänçä koronavirusnıñ 4nçe dulqını kilä.

Qatarnıñ “el-Raye el-Qatariyye” basması xäbärenä kürä Qatar xatın-qız häm ir-at tiñlegendä zur uñışlarğa ireşte.

Alman telendäge “Frankfurter Allgemeine Zeitung” gazetı beldergänçä Şveyŝariyada päräncä tıyıla.

Deutsche Welle media oyışması Germaniyada êtaplı bularaq kizü çaralarınıñ beterelüen citkerä.

Argentinadağı İnfobae xäbär säxifäse yazğança Xuan Guaydonıñ waqıtlıça xökümäte AQŞ tarafınnan Veneŝuêlalı qaçaqlarğa tanılğan Waqıtlıça saqlaw statusın qotladı. “Bu aşığıç häm kiräkle çara,” – dide ul.

Kubanıñ “Prensa Latina” xäbär agentlığı citkergänçä Braziliyada êlekke ilbaşı Lulağa birelgän törmä cäzaları ğamädän çığarıldı.

“Rossiyskaya Gazeta” xäbär itkänçä Sputnik-V vakŝinasın yasağan şirkät Rusiyä vakŝinasınıñ Awstriyada aşığıç räweştä raslanuı ixtimalın rus ruletkasına oxşatqan Awrupa Daru agentlığı başlığı Krista Virtxumer-Xoxedan ğafu ütenüen kötä.  

Rus telendäge Lenta.ru xäbär säxifäse yazğança AQŞnıñ Ğaläm operaŝiyaläre şefı, general Djon Rêymondnıñ “The New York Times” gazetına birgän interv’yusına kürä Rusiyä häm Qıtaynıñ ğaläm ölkäsendäge potenŝialı Vaşingtonnı borçuğa sala.

“Tatar-inform” mäğlümat agentlığı beldergänçä Tatarstanda tağın 50 keşe koronavirus infekŝiyase yoqtırğan.