Dönya matbuğatına küzätü 08.02.2021

“Bild.de” sӓxifӓse xӓbӓr itkӓnçӓ, Germaniyӓneň tön’yaq öleşendӓ köçle salqınnar hӓm buran küzӓtelӓ. Qayber rayonnarda qar yawu dӓwam itӓ.

“Spiegel.de” citkergӓnçӓ, Kön’yaq Afrika koronavirusqa qarşı vakśina yasawnı tuqtattı. Monıň sӓbӓbe - vakśinanıň mutaśiyӓlӓngӓn virusqa qarşı tӓêsirle bulıp bulmawınıň bilgele bulmawı.

“Süddeutsche Zeitung” gazetı Germaniyӓdӓ koronavirusqa qarşı çaralar kimerme yuqmı, monıň kanśler Angela Merkelnıň çӓrşӓmbe könne cirle citӓkçelӓr belӓn oçraşuınnan soň bilgele bulaçağı turında yaza.

“Al-Raya Al-Katariya” basması Bötendönya sӓlamӓtlek saqlaw oyışması vakśina citeşterüçe illӓrdӓn êşlӓp çığarunı arttırunı soradı dip yaza.  

“VATAN” gazetı sankśiyӓlӓr nӓticӓsendӓ İrannıň zıyanı yaqınça 100 milliard dollar tӓşkil itüen belderӓ.  

“El-Mustakbal” yazğança, Oman koronavirus belӓn körӓş çaraları qısasında ikençe boyırıqqa qadӓr yullarnı yabu qararın ozayttı.  

“Le Figaro” gazetı Aljir armiyӓse fikerençӓ, Franśiya 1960 nçı yıllarda Aljirda tormışqa aşırğan atom - töş sınawları belӓn bӓyle cawaplılıqnı üz östenӓ alırğa tiyeş dip yaza.  

“Le Monde” gazetı Xalıqara yarlıqaw oyışmasınıň Franśiyada “nigezsez saq astına alularnı” ğayeplӓwen citkerӓ.

“Le Parisien” basması koronavirusnıň Kön’aq Afrika – Braziliya mutaśiyӓlӓrenӓ qarşı mӓktӓplӓrdӓ karantin hӓm sıynıf yabu qağıydӓlӓreneň köçӓytelüen belderӓ.

“EFE” agentlığı İspaniyӓdӓ koronavirus yoqtıru oçraqlarında kimü küzӓtelüen, vakśina belӓn immunitet buldıruda alğarış tӓêmin itelüen xӓbӓr itӓ.  

“El Comercio” Êkvadordağı ilbaşı saylawında Araúznıň alda baruın citkerӓ.  

“El País” gazetı yazğança, tarixqa kerӓçӓk öç kosmik korab Mars planetasına töşӓ. Şul uq waqıtta Marska kilӓçӓk 3 ilneň (Amerika Quşma Ştatları, Berlӓşkӓn Ğarӓp Ӓmirleklӓre hӓm Qıtay) maqsatı – planetanıň klimatın yaxşıraq belü hӓm tormış êzlӓren tabu.

“Gazeta.ru” citkergӓnçӓ, Kreml’ süzçese Dmitriy Peskov dönyada Kovid -19 ğa qarşı immunitet cӓygӓ qadӓr 60%qa citӓçӓk hӓm bitlek kiyü avgustqa qadӓr beterelergӓ mömkin dip farazladı.

“RİA Novosti” agentlığı Rusiyӓneň Greśiya hӓm Singapurğa oçqıç reysların qabat başlatuın belderӓ.