Dön’ya matbuğatına küzätü 02.02.2021

Katarnıñ “el-Cezire” telekanalı säxifäse yazğança, Tähran idaräse, atom-töş kileşüenä tuğ’rılığınıñ citdilegen raslap, anı qotqaru öçen awrupalılardan Vaşington belän aradaşçılıq itüen soradı.

 “el-Quds el-Arabi” gazetı citkergänçä, M’yanma armiyäse il xakimiyäten üz qulına aldı häm liderlarnı törmägä ozattı. Xalıqara mäydannan ğayepläwlär yawdı, AQŞ ilbaşı Djo Bayden sankśiyälär belän yanadı.

Nemeś telendäge “Deutsche Welle” gazetı xäbär itkänçä, ber tikşerenü Germaniyädä saylawçılarnıñ 8%ınıñ çiktän tış uñ qaraşta buluın kürsätte.

Şul uq ilneñ WDR mäğ’lümat çarası citkergänçä, Germaniyä kanślerı Angela Merkel’ cäy axırına qadär härkemneñ vakśinalaştırılaçağına süz birde.

Franśiyäneñ “Le Figaro” gazetı Awrupada yäş’lär arasında êşsezlek artuın yaza.

Bel’giyäneñ “Le Soir” gazetı xäbär itkänçä, Awrupa Berlege tışındağı watandaşlar öçen tağın da qatğıy säyäxät çikläwläre kertelergä mömkin.

İspaniyäneñ “El País” gazetı yazğança, Awrupa Berlege komissiyäse başlığı Fon der Leyen koronavirusnıñ yaña törlärenä qarşı dön’yada tağın da kübräk vakśinağa ixtiyac tuaçağın belderde.

“Clarín” matbuğat çarası Argentinanıñ dön’yadağı köndälek urtaça kürsätkeçneñ öçtän bere qadär genä vakśina yasıy aluın häm aradağı upqınnıñ artuın xäbär itä.  

 Rusiyäneñ “RİA Novosti” matbuğat çarası citkergänçä, AQŞ Ukrainağa aktiv iq’tisadi häm xärbi yärdäm ışandırdı.

TASS agentlığı xäbär itkänçä, AQŞ däwlät särqatibe Êntoni Blinken üz ileneñ Rusiyädäge mitinglarğa bernindi qatnaşı bulmawın belderde.

 Rusiyäneñ “Kommersant” gazetında yazılğança, dön’yada 101 millionnan artıq keşegä koronavirus vakśinası yasaldı.

Tatarstannıñ “Tatar-inform” mäğ’lümat çarası Rusiyä daruxanälärendä Kovid-19nı berençe könnän ük açıqlıy aluçı Koreya  êkspress-testları satıla başlawı turında yaza.