Dön’ya matbuğatına küzätü 29.01.2021

Deutsche Welle media oyışması beldergänçä Germaniyada qaçaqlar yaqlı säyäsät alıp barğanı öçen üterelgän Kassel’ vilayät’ başlığı Val’ter Lyubke cianäyte däğwasında qarar açıqlandı. Üterüçe Stefan Êrnst ğomer buyı törmä cäzasına xökem itelde.

Alman telendäge zdf.de xäbär säxifäse yazğança alman xökümäte mutant virus küp kürelgän illärdän säyäxätlärne tıyunı planlıy.

ard.de internet säxifäse citkergänçä Germaniyadäge Vakŝina komissiyase AstraZenekanıñ Kovid-19 vakŝinasın 65 yäş’tägelär häm annan da olılarğa yasamasqa kiñäş itte.

“Al-Quds Al-Arabi” basması xäbär itkänçä Angliya Berläşkän Ğaräp Ämirleklärennän yulçılarnıñ ilgä kerüen tıydı.

Şul uq gazet Berläşkän Millätlär Oyışması ğomüm särqätibe Antonio Guterreşnıñ süzlären uquçıları belän urtaqlaşa: “Fälästin xalqınıñ üz yazmışın bilgeläwenä häm bäysezlek xoquqına xörmät kürsätelergä tiyeş.”

Qatarnıñ “Al-Raya” basması yazğança Äfğanstandağı Bäysez Keşe xoquqların yaqlaw komissiyase uzğan yılnı  tınıç xalıq yuğaluınıñ 2019ğa kürä 21%ka azayuın açıqladı.

İspaniyada basıluçı “El Mundo” gazetı beldergänçä Awrupa Berlege vakŝina êksportların tıya alaçaq ber mexanizmnı êşkä kereşterä.

Şul uq ildä çığuçı “El País” basması xäbärenä kürä İspaniyada koronavirus kizüeneñ berençe yılında êşsezlek küläme 16,3%ka arttı.  

Franŝiyaneñ “Le Monde” gazetı ildä qırıslıqtan tış cinayät’lärneñ 2020däge karantinda azayuın yaza.

RİA Novosti citkergänçä Rusiyädä yuğarı uqu yortları 7 fevral’dän başlap normal’ uquğa küçä.

Regnum xäbär itkänçä “Russia Today” baş redaktorı Margarita Simonyan Ukrainanıñ könçığışında ber yaqlı bularaq bäysezleklären iğlan itkän ike cömhüriyätne Rusiyä cirlärenä kertergä çaqırdı.   

“Tatar-inform” mäğlümat agentlığı beldergänçä yuğarı uqu yortlarına semestrnı tradiŝionğa yaqın formatta başlarğa täqdim itelde.