Dön'ya matbuğatına küzätü 30.12.2020

Katarnıñ Al-Raya Al-Katariya gazetı yazğança, DEAŞ terrorçı oyışmasınıñ liderlarınnan berse Ğıyraqnıñ Kärkük şähärendä êläkterelde.

Ommannıñ “VATAN” gazetı citkergänçä, älege ildä 1717 keşe koronavirustan vakśina yasatqan, vakśinalaştıru däwam itä.

Livannıñ “El-Mustakbal” gazetı xäbär itkänçä, Çiklärne tanımawçı jurnalistlar oyışması mäğ’lümatları buyınça, 2020nçe yılda dön’yada 50 jurnalist hälaq bulğan, kübese suğış bulmağan cirlärdä ülä.

 Franśiyäneñ “Le Monde” gazetı 2020nçe yılnıñ ildä moña qadärge iñ cılı yıl buluı turında yaza.

“Le Figaro” gazetı xäbär itkänçä, Franśiyä ilbaşı Êmmanuêl’ Makron kizüdän iñ nıq zarar kürgän 20 şähärdä çikläwlärne qatğıylaştırırğa niyätli.

France 24 kanalı Malida operaśiyädä qatnaşqan 3 franśuz xärbiyeneñ üterelüen citkerä.

Germaniyäneñ “Deutsche Welle” gazetı yazğança, Rusiyä häm Törkiyä xärbi xezmättäşlegen däwam itä. AQŞ sankśiyälärenä qaramastan, Törkiyä Rusiyädän qoral alırğa teli.  

Tagesspiegel matbuğat çarası citkergänçä, Awrupa Berlege sankśiyälärenä reakśiyä bularaq Rusiyä qabat Germaniyäneñ qayber xökümät wäkillärenä ilgä kerüne tıydı.

 “La Vanguardia” matbuğat çarası Pfayzernıñ koronavirusqa qarşı çığarğan vakśinalarınıñ berençe partiyäseneñ İspaniyägä kilep citüen yaza.

 “El País” citkergänçä, İspaniyä xökümäte räise Pedro Sançes patşalıqnıñ zamançalaşuın tiränäytü öçen ber qanunnı üzgärtte.

Kubanıñ “Prensa Latina” matbuğat çarası xäbär itkänçä, Venesuêla häm Rusiyä koronavirus vakśinasın alu öçen kileşü imzaladı.

RİA Novosti citkergänçä, Rusiyä bıyıl ğalämgä 1992nçe yıldan birle iñ az sanda ğaläm apparatı cibärde häm anti-rekord yasadı.

TASS agentlığı yazğança, Rusiyä tışqı êşlär ministrlığı süzçese Mariya Zaxarova Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrel’nı Rusiyäneñ koronavirusqa qarşı vakśinasınıñ abruyın töşerergä mataşuda ğayepläde.