Dön’ya matbuğatına küzätü 25.12.2020

Angliyada basıluçı bäysez ğaräp gazetı “el-Quds el-Arabi” İzrail prem’yer-ministrı Binyamin Netanyaxunıñ süzlärenä urın birä: “İzrail belän qayber ğaräp häm İslam illäre arasında mönäsäbätlärne cayğa saluğa qarağan yaña kileşülär ozaqlamıy açıqlanaçaq.”

Qatarda basıluçı “el-Raye el-Qatariyye” gazetı yazğança Liviyadä Milli kileşü xökümäte köçläre Sirte şähärendä sörän däräcäsen arttıra.  

Alman telendäge Deutsche Welle.de xäbär säxifäse beldergänçä Germaniyada mutaŝiya kiçergän koronavirus kürelde.

Bild.de internet säxifäse Germaniyada yäkşämbe könne vakŝinaŝiyaläwneñ başlanuın citkerä. İñ zur büläk Raştuadan soñ bireläçäk.

Franŝiyaneñ “Le Figaro” basması yazğança Awrupa Berlege häm London citäkçelege Raştua bäyrämennän alda tarixi kileşü tözede.

Şul uq ildä dön’ya kürüçe “Le Monde” gazetı beldergänçä Pfizer häm BioNTech vakŝinasınıñ qullanışı Franŝiyada räsmi bularaq raslandı, vakŝinaŝiyaläw kampaniyase yäkşämbe könne başlanaçaq.

France 24 televideniyese xäbärenä kürä Franŝiya ilbaşı Makronda Kovid-19 simptomnarı yuq, karantin tämamlandı.

Venesuêlanıñ “Telesur” xäbär portalı citkergänçä Çilida berençe Kovid-19 vakŝinası şäfqat’ tutaşına yasaldı.

Kubanıñ “Prensa Latina” basması yazğança AQŞ poliŝiya tarafınnan ber afro-amerikalınıñ üterelüenä yarsulı.

Rus telendäge “İzvestiya” gazetı citkergänçä Törkiyä tışqı êşlär ministrı Mäwlüt Çavuşoğlu 29 dekabr’dä Soçida rus xezmättäşe Sergey Lavrov belän küreşäçäk.  

TASS agentlığı Rusiyädä flot öçen 14 atom-töş su astı köymäseneñ yasalaçağın belderä.

Lenta.ru xäbär säxifäse yazğança Rusiyä Tışqı êşlär ministrlığı binasınnan ber million dollar urladılar.

“Tatar-inform” mäğlümat agentlığı xäbärenä kürä Qazanda ğailä üzäge qarşında şähärneñ 35 metrlı töp çırşısı açıldı.