Dön’ya matbuğatına küzätü 24.12.2020

Alman telendäge Welt.de xäbär säxifäse beldergänçä Awrupa Berlege BioNTech-Pfizer vakŝinasın raslağannan soñ taratu êşläre bügen başlatıldı.

“Frankfurter Allgemeine Zeitung” basması yazğança AQŞ ilbaşı Donal’d Tramp Kongress raslağan yaña Kovid-19 yärdäm paketı östendä üzgäreşneñ yasaluın soradı.

“El-Cezire” televideniyese xäbärenä kürä Êfiopiyaneñ könbatışındağı ber töbäktä qorallı törkemnär oyıştırğan höcümdä 100dän artıq grajdan ülde.

Angliyada basıluçı bäysez ğaräp gazetı “el-Quds el-Arabi” citkergänçä İzraille ber ministr Amerika Quşma Ştatları däwlät başlığı Trampnıñ wazıyfa waqıtı betkänçe 5nçe İslam ile belän mönäsäbätlärne cayğa salu ixtimalı buluın belderde.

Şul uq basma Tramp citäkçelegeneñ Soğud Ğarästanına tögäl bombalar satunı qabul itüen yaza.

Franŝiyaneñ “Le Monde” gazetı yazğança Breksittan soñ Awrupa Berlege häm Angliya kileşügä yaqın.

France 24 televideniyese beldergänçä Kovid-19nı yoqtırğan Franŝiya ilbaşı Makronnıñ sälamätlege yaxşıra bara.  

Argentinanıñ “Clarín” basması citkergänçä Argentina xökümäte Rusiyäneñ koronavirus vakŝinasın qullanu öçen aşığıç räweştä raslaw birde.  

İnterfax agentlığı xäbärenä kürä AQŞ Däwlät departamentı rus oppoziŝiyaçel’ Aleksey Naval’nıynıñ ağulanuınnan Federal’ İminlek agentlığınıñ cawaplı buluın uylıy.

Lenta.ru xäbär säxifäse yazğança Pol’şa Stokgol’m Xalıqara Arbitraj mäxkämäseneñ gaz bäyälärenä qarağan däğwasında xaqlı tabıldı, “Gazprom” xaqsız çıqtı.  

TASS agentlığı beldergänçä Amerikan jurnalı “Forbes” daru şirkäte BioNTechnıñ xucası Uğur Şahinnı pandemiya waqıtında sälamätlek saqlaw tarmağında qazanuçı “50 yaña milliarder” isemlegenä kertte.  

“Tatar-inform” mäğlümat agentlığı citkergänçä Tatarstanda koronavirustan tağın 3 keşe ülgän. İldä Covid-19 infekŝiyasennän barlığı 177 keşeneñ ğomere özelde.