Дөнья мaтбугaтынa күзәтү - Dön’ya matbuğatına küzätü 18.12.2020
Кaйбeр чит ил бaсмaлaрынa күзәтү / Qayber çit il basmalarına küzätü
Deutsche Welle: Germaniya kanślerı Angela Merkel koronavirus vakśinasın qamilläştergän Özläm Türäci belän Uğur Şahinnı täbrik itte.
zdf.de: Germaniya “Kovid-19”ğa qarşı vakśinaśiyäläwgä 27nçe dekabr’dä başlawnı planlaştıra.
ard.de: Greśiya Franśiyadan 2 milliard 300 million yevro külämendä Rafale xärbi oçqıçların alaçaq.
France 24: “Kovid-19” testı pozitiv çıqqan Franśiya İlbaşı Êmmanuêl Makron belän oçraşqan Awrupalı 5 lider üzlären karantin astına alırğa mäcbür buldı.
France 24: Rusiyä İlbaşı Vladimir Putin: “Rusiyä (oppoziśiyäçel säyäsätçe) Aleksey Naval’nıynı ağularğa teläsä ide, üler ide”, - dip äytte.
Al-Quds Al-Arabi: Amerika Birleşik Devletleri Amerika Quşma Ştatları atom-töş qoralları agentlığı Rusiyä xakerlarınıñ kiber höcümenä duçar buldı.
Al Jazeera: Törek saqlanu sänäğäte. Änkara importqa bäyle ide, xäzer inde üsep baruçı xalıqara köçkä äylände.
Al Jazeera: AQŞ däwlät särkätibe Mayk Pompeo: “Törkiyägä qarata sankśiyälärneñ maqsatı - Änkaranıñ xärbi sälätenä zıyan kiterü tügel, Rusiyäneñ yoğıntısın totqarlaw”.
“Vedomosti” gazetı: Rusiyä İlbaşı Vladimir Putin 7 yäşennän keçeräk balası bulğan ğailälärgä yaña yılğa qadär 5 meñ sum-rubl’ külämendä yärdäm kürsäteläçägen äytte.
“Lenta.ru” xäbär saytı: Awrupa Berlege Azärbaycan häm Ärmänstan tışqı êşlär ministrları belän Bryussel’dä öç yaqlı söyläşü oyıştırunı başqara almadı.
“TASS” agentlığı: Sport arbitraj mäxkämäse Rusiyä sportçılarınıñ ike yıl buyı xalıqara yarışlarda-bäygelärdä üz bayraqları häm marşları belän qatnaşa almayaçağın belderde.
El Pais (İspaniya): İspaniya Parlamentı êvtanaziya belän bäyle qanunnı qabul itte.
El Mundo (İspaniya): İspaniyada Yuğarı mäxkämä koronavirus vakśinası belän bäyle barışnıñ niçek idarä iteläçägeneñ tikşerelüen taläp itte.
El Nacional (Venesuêla): Koronavirus: Braziliyada ber könlek ber meñ ülem oçrağı çige yañadan uzıldı.
Tatarstannıñ “Tatar-inform” agentlığı bıyıl Tatarstanda 878 awıl cirlegendä yäşäwçelärneñ 260 million sum üzara salım aqçasın cıyuın xäbär itä. Agentlıq beldergänçä, däwlättän finanslaw 1 milliard sumnan artıq bulğan. Xalıqtan cıyılğan 1 sumğa däwlättän 4 sum birelä. Üzara salım aqçasına awıl territoriyäläre, yullar, çişmälär, ziratlar tözekländerelä.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü