Dön’ya matbuğatına küzätü 11.12.2020

“Al-Quds Al-Arabi” gazetı Yordaniya patşası Abdullah II neñ süzlärenä urın birä: “Qudüsne, izgelegen, tanıqlığın häm tarixın yaqlawdan taypılmayaçaqbız.”

“Al Jazeera” televideniyese citkergänçä “Yaqın Könçığış küze” isemle ingliz xäbär säxifäse İzrail İran ğalime Faxrizadäne üterep, İrannı suğışqa êtärergä tırıştı. Läkin xäzergä qadär uñışqa ireşmäde.

“Al Jazeera” Törkiyäneñ çikläw ixtimalına cawap birep: “Yanaw tele êşkä yaramayaçaq,” – dip äytüen belderä.

Yordaniyaneñ “Al-Dustour” basması xäbärenä kürä Ğıyraq prem’yer-ministrı Mostafa El-Kazımi kiläse yılda waqıtınnan alda saylawğa şartlar buldıru öçen kiñ qırlı milli dialog alıp barırğa tırışa.  

Deutsche Welle media oyışması beldergänçä Germaniya Kanŝlerı Angela Merkel’ kizü arqasında dön’yada säyäsi sistemalar arasında köndäşlek, köç tigezleklärendä üzgäreşneñ küzätelüenä iğtibarnı cälep itte.  

Alman telendäge “Süddeutsche Zeitung” gazetı yazğança Awrupa Berlege Liderlar oçraşuında byudjet krizisı atlatıldı.

İspaniyada basıluçı “El Pais” basması İspaniya prem’yer-ministrı Pedro Sançeznıñ Monarxiya bäxäseneñ başlatıluına qarşı çığuın citkerä.

Şul uq ildä çığuçı “El Mundo” gazetı xäbärenä kürä êlekke İspaniya patşası Xuan Karlos I ulı patşa Felipe VI qabul itkän oçraqta yaña yılda İspaniyağa qaytırğa teläwen açıqladı.

Venesuêlanıñ “TeleSur” xäbär portalı beldergänçä Kuba däwlät başlığı Migel’ Dias-Kanel’ 1 ğıynwardan başlap ğamälgä keräçäk iqtisadi plan belän üsüne häm uñdırışlılıqnı maqsat itülären assızıqladı.

Franŝuz telendäge “Le Monde” basması yazğança ikençe dulqınnıñ betmäwen äytüçe Franŝiya xökümäte yaña sälamätlek saqlaw çaraların açıqladı. 

“France 24” televideniyese xäbärenä kürä Marokko belän normal’läşüçe mönäsäbätlärgä İzrail xökümät räise Binyamin Netanyaxu uñay qarıy läkin Xamas monıñ säyäsi gönah buluın citkerde.

Rus telendäge Gazeta.ru xäbär säxifäse beldergänçä AQŞ Finans ministrlığı keşe xoquqların bozuı nigeznamäse belän Çäçänstan Cömhüriyäte ilbaşı Ramzan Qadıyrovka qarata çikläwlär kertte.  

Regnum xäbär agentlığı citkergänçä Rusiyä Saqlanu ministrlığı ildä yasalğan koronavirus vakŝinasına qarşı internetta tap töşerü kampaniyaseneñ alıp barıluın açıqladı.

“İzvestiya” gazetı Qıtay tışqı êşlär ministrınıñ Qıtay häm Rusiyäneñ soñğı waqıtta global’ totrıqlılıq urnaştırğan ike il buluın äytüen yaza.

“Tatar-inform” mäğlümat agentlığı beldergänçä “Qazan utları” jurnalı kesä formatındağı tatarça kitaplar çığara başladı.