Dön’ya matbuğatına küzätü  09.12.2020

Bel’giyäneñ “Le Soir” gazetı yazğança, Pari Sen-Jermen - Medipol Başakşehir matçı yärdämçe trenerğa qarata rasaçıl söyläm arqasında tuqtatıldı.

France 24 kanalı söylägänçä, ilbaşı Êmmanuêl’ Makron Franśiyäneñ ênergetika kiläçägeneñ atom-töş ênergiyäsenä bäyle bulaçaqğın citkerde

Şul uq ilneñ “Le Monde” gazetında telefon tıñlaw däğ’wası xaqında yazıla. Êlekkege Franśiyä ilbaşı Nikolya Sarkozinıñ 4 yıl törmägä xökem itelüen telilär.

Germaniyäneñ spiegel.de säxifäse “Rasaçılıq ğawğasınnan soñ Pari Sen-Jermen belän İstanbul Başakşehir arasındağı çempionnar ligası matçı tuqtatıldı” dip citkerä.

n-tv.de säxifäsendä Biontexnıñ xucası Uğur Şahinnıñ reportajı çıqtı. Ul Germaniyädä vakśinanıñ 2020nçe yılda röxsät alaçağın belderä.

Ğaräp telle basmalardan “Elayyam” Fälästin sälamätlek saqlaw ministrınıñ “Pandemiyädä wäzğıyät’ bik citdi” dip kisätüen yaza.

“Eldustour” citkergänçä, Qıtaynıñ 14 wäqalätlesenä AQŞ yaña sankśiyälär kertte.

İspaniyäneñ “El Mundo” gazetı yazğança, Awrupa Berlege illäre arasında Kovid-19 belän köräş öçen İspaniyä qadär yärdäm alğan däwlät yuq: 140 million yevro.

 Şul uq ilneñ “El Pais” gazetı citkergänçä, ispaniyälelärneñ 64%ı klimat üzgäreşe belän köräşü yaqlı.

“El Nacional” gazetı Venesuêla däwlät başlığı Nikolas Maduronıñ “İlebezneñ aqça berämlege dollar bulmadı häm bulmayaçaq” digän süzlären alğı planğa çığara.

Lenta.ru xäbär säxifäse Rusiyä Däwlät Dumasınıñ poliśiyä wäqalätlären kiñäytüne küzallawçı qanun proyektın qabul itüen citkerä.  

TASS agentlığı yazğança, Rusiyäneñ Rossel’xoznadzor xezmäte 10nçı dekabr’dän başlap Azärbaycannan pomidor häm alma kertüne tuqtata.

RİA Novosti agentlığı citkergänçä, Rusiyäneñ däwlät telekanalları däwlät başlığı Vladimir Putinnıñ 17nçe dekabr’dä uzaçaq yıllıq matbuğat oçraşuı öçen 3 säğat’ waqıt bülep quya.