Dön’ya matbuğatına küzätü 20.11.2020

Alman telendäge Bild.de internet säxifäse yazğança Germaniya Kanŝlerı Angela Merkel’ koronavirus vakŝinasınıñ dekabr’ ayında äzer buluın ömet itä.

Şul uq ilneñ Ard.de xäbär säxifäse beldergänçä Awrupa Berlegeneñ byudjet söyläşülärendä krizisnı beterä almıylar.

Germaniyaneñ “Süddeutsche Zeitung” gazetı xäbärenä kürä AQŞta tawışlar qabat sanalğan Djordjiya ştatında Djo Bayden ciñde.

İspaniyada dön’ya kürüçe “El Mundo” basması citkergänçä Bötendön’ya sälamätlek saqlaw oyışması koronavirusqa qarşı “Remdesivir” isemle darunıñ sınalmıyça qullanuına qarşı.

Venesuêlanıñ “Telesur” xäbär portalı yazğança Awrupa Berlege dekabr’ ayında Kovid-19ğa qarşı vakŝinalarğa röxsät bireläçägen açıqladı.

Argentinanıñ “Infobae” xäbär säxifäse beldergänçä Meksika senatı ildä marixuananıñ küñel açu öçen qullanıluın häm cinayät’ buludan tuqtawın rasladı. 

“Elraya” gazetı xäbärenä kürä Kovid-19ğa qarşı “Pfizer” vakŝinasınıñ berençe partiyase yıl azağında Qatarğa kilä.

“Eldustour” basması citkergänçä Franŝiya däwlät başlığı Makron möselman imamnardan toruçı şura qorıluın bäxäsläşä.

“France 24” televideniyese Franŝiya sälamätlek saqlaw ministrı Verannıñ süzlären citkerä: “Kizü franŝuzlarnıñ psixik sälamätlegen qaqşattı.” 

Rus telendäge Lenta.ru xäbär säxifäse yazğança Azärbaycan armiya berlekläre Tawlı Qarabax belän bäyle öç yaqlı kileşü iskärtkänçä Ağdam töbägenä kerde.

RİA Novosti agentlığı beldergänçä BRİKS liderları cıyılışında çığış yasağan Rusiyä ilbaşı Vladimir Putin Qıtaynıñ Kovid-19 belän köräştäge alğarışnı maqtadı. Putinğa kürä Qıtay kizüne ciñä aluıbıznı isbatladı.

TASS xäbär agentlığı citkergänçä Bötendön’ya sälamätlek saqlaw belgeçläre Kovid-19dan däwalanğanda “Remdesivir” daruın qullanmasqa kiñäş itä.

“Tatar-inform” mäğlümat agentlığı yazğança Qazan häm Tatarstan mitropolitı Feofan yaqtı dön’yadan kitte. Agentlık mäğlümatları buyınça, arxiyerey koronavirus infekŝiyasennän wafat bulğan.