Dön’ya matbuğatına küzätü 13.11.2020

Franśiyäneñ “Le Figaro” gazetı yazğança, ilbaşı Êmmanuêl’ Makron Ärmänstanğa gumanitar yärdäm cibärergä planlaştıra.

Şul uq ilneñ “Le Monde” gazetı citkergänçä, Franśiyä xökümäte räise Jan Kasteks kimendä kiläse 15 kön êçendä karantin qağıydälärendä üzgäreş bulmayaçağın belderde.

“Le Parisien” gazetı Franśiyädä täwge tapqır Kovid-19 xastasına böyer küçerep utırtuları turında yaza.

“Newsabah” citkergänçä, Ğıyraq neft’ häm gaz proyektları yanında qoyaş ênergetikasın üsterergä tırışa.

Germaniyäneñ “Der Spiegel” basması Liviyä sulıqlarında köymä batuı häm kimendä 74 keşe ülüen yaza.

“Deutsche Welle” citkergänçä, Germaniyä ilbaşı Frank-Val’ter Ştaynmayer nemeś armiyäsenä möselman dini xezmätkären quyu kürsätmäse birde.

İspaniyäneñ “El Mundo” gazetı yazğança, tropik dawıl  Teta ilneñ könbatış yarları häm Kanar utrawlarında köçle diñgez cillärenä kiterergä mömkin.  

Şul uq ilneñ “El Pais” gazetı xäbär itkänçä, gripp vakśinası keşelärneñ koronavirusqa qarşı immunitetın köçäytep, ülem däräcäsen töşerä ala.

Rusiyäneñ “Kommersant” gazetı yazğança, Kön’yaq Koreya Kovid-19ğa qarşı Rusiyädä uylap tabılğan Sputnik-V vakśinasın citeşteräçäk.

“İzvestiya” gazetı xäbär itkänçä, Mäskäw wäqalätleläre yäşüsmerlär arasında Kovid-19 oçraqlarında artu küzätelmäwen belderde.

Lenta.ru säxifäse yazğança, Kreml’ süzçese Dmitriy Peskov Azärbaycan bärep töşergän Rusiyä oçqıçı öçen ğafu ütenüne qabul itüläreneñ säbäben äytte: Azärbaycan ilbaşı İlham Aliyev waqıyğağa qarata şunda uq reakśiyä kürsätte häm ob’yektiv tikşerü başladı.

“Tatar-inform” mäğ’lümat agentlığı citkergänçä, bügen Qazanda Böyek Watan suğışı kaharmanı, veteran Boris Kuzneśov belän xuşlaşalar. Ul 94 yäşendä baqıylıqqa küçte.