Dönya matbuğatına küzätü 30.10.2020

“VATAN” basması Avstraliyӓdӓ ütkӓrelgӓn Kovid -19 belӓn bӓyle tikşerenüneň  ğomum izolyaśiya başqa çirlӓrdӓn kilep tuğan ülemnӓrdӓn qotqardı digӓn nӓticӓgӓ kilüen citkerӓ.  

“El-Mustakbal” yazğança, Bötendönya sӓlamӓtlek saqlaw oyışması Kovid -19 Yaqın Könçığışta qurqınıç dӓrӓcӓgӓ citte dip belderde.  

“Al-Raya Al-Katariya” İzrail wӓkilleklӓre Berlӓşkӓn Ğarӓp Ӓmirleklӓrenӓ 1 könlek sӓfӓr yasıy dip yaza.  

“RT” xӓbӓr itkӓnçӓ, Rusiya Federaśiyӓse dӓwlӓt başlığı Vladimir Putin Kovid -19 belӓn körӓştӓ il buyınça êş urınnarın yabu kebek çaralar kürelmӓyӓçӓgen ӓytte.  

“RBK” Rusiyӓdӓ yӓşӓwçelӓrneň öçtӓn bere Kovid -19 belӓn bӓyle xӓl naçarayaçaq dip sanıy, alarnıň qayberlӓre öylӓrendӓ kirӓk -yaraqlar cıya başladı dip citkerӓ.

“Lenta.ru” beldergӓnçӓ, Rusiya Federaśiyӓse dӓwlӓt başlığı Vladimir Putin Ӓrmӓnstannıň Tawlı Qarabaxta basıp alğan 7 töbӓkne Azӓrbaycanğa kire birüe kirӓklegen citkerde.

 “El Pais” İspaniyӓdӓ bügennӓn başlap berniçӓ töbӓktӓn tış Kovid -19 sӓbӓbe belӓn karantin başlana dip yaza.

“El Mundo” yazğança, belgeçlӓr Koviq -19nıň İtaliyӓdӓn kilgӓn hӓm İspaniyӓdӓ mutaśiyӓgӓ oçrağan töreneň Awrupada ikençe dulqınğa sӓbӓp buluın belderde.

“TeleSur” Meksika senatınıň koronavirus belӓn körӓş çaraları qısasında xalıq sӓlamӓtlegen nığıtu hӓm kerem qanunı belӓn bӓyle üzgӓreşlӓrne üz êçenӓ aluçı 2021 nçe yılğı iq’tisadi paketnı raslawın uquçıları belӓn urtaqlaşa.

“Le Monde” Franśiyӓdӓ Kovid -19 belӓn bӓyle yaňa karantin dӓwerendӓ sӓyӓxӓtlӓrneň ber sӓğӓt’lek buluı, mӓktӓplӓrdӓ östӓmӓ çaralar hӓm öydӓn êşlӓw kebek üzgӓreşlӓr kertelüen citkerӓ.

“Les Echos” citkergӓnçӓ, Kovid -19 kizüeneň köçӓyüe Franśiyӓdӓ yıl azağında iq’tisadi êşçӓnleklӓrne 5%qa kimetergӓ mömkin.

“ard.de” Awrupa Berlege Kovid-19ğa qarşı bergӓ xӓrӓkӓt itü qararı qabul itte dip belderӓ.

“Tatar – inform” xӓbӓr itkӓnçӓ, Tatarstanda 31 nçe oktyabr’dӓn başlap kafe hӓm restorannarnıň êş waqıtı çiklӓnӓ hӓm tamaşa – küňel açu çaraları ütkӓrü tıyıla.