Dön’ya matbuğatına küzätü 27.10.2020

Omannıñ “VATAN” gazetı dön’ya iq’tisadınıñ koronavirustan nıq zarar kürüe häm millionlağan keşeneñ yarlı törkemenä kerüenä säbäpçe buluı turında yaza.

Livannıñ “Äl Mustakbal” gazetı AQŞnıñ İranğa yaña sankśiyälär kertü niyätendä buluı xaqında citkerä.

Şul uq matbuğat çarası İranda här 5 minut sayın 1 keşeneñ Kovid-19dan can birüen xäbär itä.  

Nemeś basmalarınnan “Deutsche Welle” Törkiyä häm Greśiyäneñ ber-berläreneñ milli bäyrämnärenä turı kilüçe 28nçe häm 29nçı oktyabr’ könnäre öçen iğ’lan itelgän diñgez belderülären ğamäldän çığaruların yaza.

“Der Spiegel” gazetı citkergänçä, Germaniyädä Kovid-19 karantinnarı psixologik problemalarnı arttırdı.

Franśiyäneñ “Le Monde” gazetı Törkiyä ilbaşı Räcäp Tayyip Ärdoğannıñ franśuz tovarların boykot itärgä çaqıruın yaza.

Şul uq ilneñ “France 24” kanalı citkergänçä, Parij bik küp Yaqın Könçığış illärendä franśuz tovarlarına boykot belderüne tuqtatırğa çaqırdı.  

“Le Parisien” gazetı yazğança,  “Paris Sen-Jermen” komandası Franśiyä-Törkiyä krizisınıñ urtasında Çempionnar ligası öçen İstanbulğa bara.

Kolumbiyäneñ “El Tiempo” gazetı Boliviyä mäxkämäseneñ êlekkege däwlät başlığı Êvo Moralesnı qulğa alu qararın ğamäldän çığaruın citkerä.

İspaniyäneñ “El País” gazetı Zeta dawılınıñ Meksikanıñ Tulum töbägenä barıp citüen häm köçle yañğır belän cil kiterep çığaruın xäbär itä. Yukatan yarımutrawında xäwefneñ iñ yuğarı däräcäse iğ’lan itelde.   

Rusiyäneñ “Kommersant” gazetı yazğança, İslam dön’yası Franśiyägä boykot belderde. Törkiyä ilbaşı Räcäp Tayyip Ärdoğannıñ adımı teläktäşlek taptı.

 Şul uq ilneñ “Vesti” kanalı söylägäñçä, Soğud Ğaräbstanı noyabr’ ayında, Rusiyäne uzıp, Qıtaynıñ iñ zur neft’ täêminatçısı buldı.

Tatar-inform mäğ’lümat agentlığı citkergänçä, Tatarstannıñ xalıq artistı Salavat Fätxetdinov bik qatı çirläwe turında xäbär itte. Cırçınıñ koronavirus êläkterüe farazlana.