Dön'ya matbuğatına küzätü 21.10.2020

Germaniyäneñ “Deutsche Welle” basması yazğança, Törkiyäneñ Avtomobil’ predpriyatiyeläre törkeme TOGG belän dön’yadağı aldınğı batareya citeşterüçese Farasis litiy-ion batareyalar täêminatında kileşte.  

Tagesschau.de säxifäse citkergänçä, Awrupa Berlege komissiyäse Kipr grek idaräse häm Mal’tanıñ “altın passport” bularaq bilgele “investiśiyä öçen watandaşlıq” programmasına qarşı xoquq prośessı başladı. Anıñ Awrupa Berlege qanunnarına turı kilmäwe belderelä.

“Le Monde” gazetı Franśiyädä daruxanälärneñ kübesendä gripp vakśinasınıñ betüen citkerä.

“Le Figaro” gazetı yazğança, Kanadada qulğa alu waqıtında afrikalı ber keşeneñ ülemendä ğayeplänüçe poliśiyä xezmätkäre aqlandı.  

Omannıñ “VATAN” gazetı Süriyägä Rusiyädä tabılğan ike Kovid-19 vakśinası kitereläçägen xäbär itä.

“Al-Raya Al-Katariya” basması citkergänçä, Berläşkän Ğaräp ämirlekläre häm İzrail arasında ike yaqtan da viza programması beterlde.

İspaniyäneñ “El Pais” gazetı yazğança, ildä koronavirus oçraqları 1 millionğa yaqınlaşqaç, sälamätlek saqlaw ministrı çirneñ taraluına kirtä quyu öçen xalıqtan xäräkätlären häm oçraşuların kimetüne soradı.

Argentinanıñ “Infobae” mäğ’lümat çarası xäbär itkänçä, Boliviya saylawlarında MAS (Sośializm xäräkäte) ciñgännän soñ Santa Kruz şähärendä yaqınça 5 meñ keşe qatnaşında rizasızlıq çaraları uza. Alar saylawlarda xärämläşü buluın sanıy.  

“İzvestiya” gazetı citkergänçä, waqıtlıça Qırğızstan ilbaşı wazıyfasın başqaruçı Sadır Caparov Rusiyä ilçese belän söyläşüendä rus teleneñ Qırğızstanda räsmi tel bulıp qalaçağın äytte.

 “Kommersant” gazetı AQŞ saqlanu ministrlığı Pentagonnıñ Germaniyädäge qayber köçlären Rusiyägä tağın da yaqınraq Awrupa däwlätenä küçerü niyätendä buluı turında yaza.

“Tatar-inform” mäğ’lümat agentlığı citkergänçä, Tatarstan deputatları pensiyägä çığu yäşen kimetü mäs’äläsen kütäräçäk.