Dön’’ya matbuağtına küzätü 13.10.2020

“Le Parisien” basması beldergänçä Franŝiya däwlät başlığı Êmmanuêl’ Makron koronavirus mäs’äläsendä çärşämbe könne xalıqqa qabat möräcäğat’ itäçäk.

France 24 televideniyese xäbärenä kürä Franŝiya xökümäte Kovid-19 kizüeneň ikençe dulqınına qarşı totışın qırıslaştıra.

Qatarnıň “el-Cezire” televideniyese citkergänçä sud’ya Êmi Koni Barrettnıň Donal’d Tramp tarafınnan Yuğarı Mäxkämägä äğza bularaq bilgelänüe AQŞ Senatında bülenügä kiterep çığardı.

Şul uq ildä basıluçı “er-Raye el-Katariyye” gazetı yazğança Törkiyä –Qatar Yuğarı strategik komitetınıň 6nçı cıyılışı kiläse ay azağında Törkiyädä uzaçaq.  

İspaniyaneň “El País” basması ul’trafiolet robotlarnıň koronavirus belän köräşüçe yaňa Awrupa qoralı buluın yaza.  

Venesuêlanıň “Telesur” xäbär säxifäse beldergänçä êlekke ilbaşı Êvo Morales Boliviya saylawına AQŞnıň qatışuın ğayepläde.

Argentinanıň “Infobae” xäbär portalı citkergänçä Johnson&Johnson Kovid-19 vakŝinası êşçänleklären waqıtlıça tuqtattı. Monıň säbäbe – ber üzixtıyarineň xastalanuı.

Alman telendäge “Der Spiegel” basması Awrupa Berlegeneň Rusiyägä Aleksey Naval’nıy arqasında çikläw kertüen yaza.

Zeit Online xäbar säxifäse yazğança Germaniyada qoral satışı azaydı.

Rus telendäge Gazeta.ru internet säxifäse beldergänçä Awrupa Berlege illäreneň tışqı êşlär ministrları oppoziŝiyaçe Aleksey Naval’nıynıň ağulanuı däğwasına qatışqan şäxeslärgä qarata çikläw kertergä qarar birde.

RİA Novosti xäbär itkänçä Qıtay Aêroflot şirkäteneň Kovid-19 arqasında Şanxayğa oçuın ber ayğa tıydı.

“Izvestiya” basması Rusiyä turistlarınıň Törkiyä qunaqxanälärendäge aş-su porŝiyaläreneň zurlığınnan şiqayät’çe bula başlawın citkerä.

“Tatar-inform” mäğlümat agentlığı beldergänçä 13 oktäbr’dän Qazan däwlät mediŝina universitetı distanŝion uqıtuğa küçä.