Dön'ya matbuğatına küzätü 12.10.2020

Ommannıñ “VATAN” gazetı yazğança, AQŞ koronavirusqa qarşı vakśina tabuın häm küpläp citeşterü öçen êşçänlek başlawın belderde.

Livannıñ “El-Mustakbal” gazetı Ärmänstan höcümnäreneñ Azärbaycanda küp sanda grajdanlınıñ üleme häm yaralanuına kiterüen xäbär itä.  

Germaniyäneñ “Deutsche Welle” gazetı Tön’yaq Kipr Törek cömhüriyätendä uzğan ilbaşı saylawlarında Mostafa Akıncı häm Ärsin Tatarnıñ ikençe turğa uzuı turında citkerä.

Spiegel.de säxifäsendä urın alğan xäbärgä qarağanda, Avstraliyädäge ber tikşerenü Kovid-19 virusınıñ telefon öslegendä 28 kön tere qala aluın açıqlağan.

Bild.de citkergänçä, Robert Kox institutı Germaniyädä 38 meñnän artıq aktiv Kovid-19 oçrağı barlığın farazlıy.

Franśiyäneñ “Le Parisien” gazetı ilbaşı Êmmanuêl’ Makronnıñ “Berqayçan da soñğa qalmıym, çönki bernärsä dä minsez başlarğa tiyeş tügel” digän süzlären alğı planğa çığara. Bu - anıñ qaya barsa da keşelärne ışandıru öçen ozaqlap söyläşä torğan ğadäte arqasında programma kiçekkän sayın äytä torğan süzläre.  

İspaniyäneñ “El Pais” gazetı xäbärenä qarağanda, ildä Milli bäyräm çaraları patşa Filipp qatnaşında häm säyäsi kiyerenkelek atmosferasında uzdı.

Şul uq ilneñ “El Mundo” gazetı Franśiyä açıq tennis turnirında ir-atlar finalında ispan Rafaêl’ Nadalnıñ serb Novak Djokoviçnı 3kä 0 ciñep çempion buluın xäbär itä.

Venesuêlanıñ “TeleSur” mäğ’lümat çarası citkergänçä, ilbaşı Nikolas Maduro “Blokadağa qarşı qanun Venesuêlada böyek citeşterülärgä yul açaçaq” digän.

Rusiyäneñ RİA Novosti agentlığı “Ber närsägä äzerlänälär”: AQŞ nigä Rusiyä qoral model’lären satıp ala?” dip yaza.  

Şul uq ilneñ “Kommersant” gazetı “Ärmänstan-Azärbaycan arasındağı utnı tuqtatu yartı kön dä barmadı” dip citkerä.

TASS agentlığı xäbär itkänçä, Rusiyä häm Törkiyäneñ cıyılma futbol komandaları Millätlär ligasında bärabärgä qaldı: 1gä 1.

“Tatar-inform” mäğ’lümat agentlığı Tatarstan başqalası Qazanda İrek mäydanındağı Lenin häykälen aluları turında citkerä.