Dönya matbuğatına küzätü 09.09.2020

“France 24” xӓbӓr itkӓnçӓ, Franśiya velosiped turnirı başlığı Kristian Prudxomnıň Kovid -19 testı uňay çıqqan,yarışta qatnaşuçı barlıq velosipedçılarnıň test nӓticӓlӓre isӓ tiskӓre bulğan.

“Le Monde” basması Bötendönya sӓwdӓ oyışmasınıň yaňa citӓkçe êzlӓnülӓrenӓ kereşüe turında yaza.  

“Le Figaro” gazetı Amerika Quşma Ştatlarınıň Kaliforniya ştatında dӓwam itkӓn urman yanğınnarında 8000 kvadrat kilometr mӓydannıň yanıp betüen hӓm monıň soňğı 33 yıldağı iň zur kürsӓtkeç buluın belderӓ.   

“nd.de” xӓbӓr itkӓnçӓ, Rusiya tabiği gaz mӓs’ӓlӓsendӓ Törkiyӓ belӓn Greśiya arasında aradaşçı bulırğa teli.

“Frankfurter Allgemeine Zeitung” citkergӓnçӓ, Germaniya iq’tisad ministrı Piter Alt’mayer Rusiyӓgӓ qarata sankśiyӓlӓrgӓ şiklӓnep qarıy.

“Handelsblatt” gazetı Germaniya xalıqara çağıştıruda śifrlı belem birü yağınnan artta dip yaza.

“Al-Quds Al-Arabi” basması yazğança, AQŞ ilbaşı Donal’d Tramp bügen Ğıyraqtağı AQŞ köçlӓren kimetü turında belderü yasayaçaq.

“Al-Raya” gazetı Awrupa Berlegeneň basıp aluçı köçlӓrneň Qudüstӓ 107 toraq hӓm 46 êş urının cmerüe turında belderüen citkerӓ.  

“Ӓl Cӓzirӓ” kanalı  Qabulda Ӓfganstan ilbası urınbasarı  Omarullah Salehneň konvoyına oyıştırılğan bombalı höcümdӓ 11 keşeneň ülüen, 20 dӓn kübrӓk keşeneň yaralanuın xӓbӓr itӓ.

“El País” gazetı Madrid xastaxanӓlӓrendӓ koronavirusnıň ikençe dulqını küzӓtelüe turında yaza. Operaśiyӓlӓr tuqtap tora, çirlӓwçe keşe sanı ike tapqırğa artqan.  

“Russia Today” xӓbӓr itkӓnçӓ, Kreml’ süzçese Dmitriy Peskov yıl sayın uzdırılğan hӓm il watandaşları dӓwlӓt başlığına turıdan turı êfirda sorawlar birgӓn programmanıň bıyıl ütkӓrelmӓyӓçӓgen belderde.

“RİA Novosti” citkergӓnçӓ, G-7 illӓre tışqı êşlӓr ministrları Rusiya oppoziśionerı Aleksey Naval’nıynıň ağulanu dӓğ’walarınıň “isbatlanğan” buluın açıqladı.

“Regnum” agentlığı xӓbӓr itkӓnçӓ, AQŞ dӓwlӓt departamentı Belarusqa qarata yaňa sankśiyӓlӓr kertelergӓ mömkin dide.

“Tatar – inform” mӓğ’lümat agentlığı uzğan tӓwlektӓ Tatarstanda yaňa koronavirus infekśiyӓse belӓn zararlanğan 22 keşe terkӓlüen citkerӓ. Şulay itep respublikada barlığı 6 meň 740 Kovid -19 oçrağı açıqlanğan.