Dön'ya matbuğatına küzätü 22.07.2020

Germaniyäneñ Bild.de säxifäse yazğança, AQŞ ilbaşı Donal’d Tramp ilendä koronavirus krizisınıñ tağın da naçarayaçağı turında kisätü yasadı.

Şul uq ilneñ “Spiegel” gazetı AQŞnıñ Qıtay xakerlarına qarşı däğ’wa açuın yaza.  İke Qıtay keşese Amerikanıñ Kovid-19ğa qarşı vakśina yasaw êşçänlege mäğ’lümatların urlağan.

“Deutsche Welle” xäbär itkänçä, Germaniyä tışqı êşlär ministrı Xeyko Maas Misırnıñ Liviyä säyäsäten tänqıyt’läde.

İspaniyäneñ “El País” basması “Kovid-19 tikşerüläre: yoqtıruçılarnıñ 40%ı qırıq yäş’tän tübän. Kübese qayda êläkterüen belmi” dip citkerä.

Kolumbiyanıñ “El Tiempo” basması xäbär itkänçä, Angliyäneñ Oksford universitetı uylap tapqan koronavirus vakśinasınıñ danäse 2 yarım yevroğa satılırğa mömkin.  

 Katarnıñ “Al Raya” basması Ärdoğannıñ belderüen alğı planğa çığara. Törkiyä ilbaşı “Misırğa Liviyädä mömkinlek birmäyäçäkbez” dide.

 Yordaniyäneñ “Addustour” mäğ’lümat çarası citkergänçä, Farsı qultığındağı qayber däwlätlär çit ilgä säyäxät itü häm watandaşlarına kire qaytu iregen tanıdı.

Franśiyäneñ “Le Monde” gazetı kizüneñ iñ köçle waqıtlarında ildä ülem däräcäseneñ 60%qa artuın yaza.

Şul uq ilneñ “Le Figaro” gazetı citkergänçä, franśuzlarnıñ 66%ı koronavirusnıñ ikençe dulqını öçen borçıla.  

Rusiyäneñ RİA Novosti agentlığı “Atom-töş raketası yasaw êşçänlegen tuqtatu çaqıruına Rusiyä parlamentınıñ yuğarı palatası Federal’ cıyın äğ’zası Aleksey Puşkov kisken qarşılıq kürsätte” dip xäbär itä.  

“Tatar-inform” mäğ’lümat agentlığı citkergänçä, Tatarstanda xatın –qızlar Kovid-19 belän ir-atlarğa qarağanda kübräk awırıy.