Dön'ya matbuğatına küzätü 20.07.2020

Germaniyäneñ “Frankfurter Allgemeine Zeitung” gazetı “İzraildä xökümätneñ koronavirus belän köräşen tänqıyt’läwçe meñnärçä keşe rizasızlıq çarası oyıştırdı” dip yaza.

Şul uq ilneñ “Süddeutsche Zeitung” gazetı citkergänçä, Germaniyädä êlektron poçta beläñ cibärelüçe çiktän tış uñçı êçtälekle yanaw xatları kilüen däwam itä.

“Deutsche Welle” basması AQŞnıñ Texas häm Arizona ştatlarında Kovid-19dan ülüçeläneñ sanı artu säbäple morglarda urın qalmawın xäbär itä.

France 24 kanalı beldergänçä, Franśiyädä Kovid-19 kizüeneñ qabat arta başlawınnan soñ cämäğat’çelek urınnarında bitlek kiyü düşämbedän qabat mäcbüri buldı.

Şul uq kanal Kuveyt ämireneñ xastaxanägä yatqırıluın xäbär itä. Anıñ sälamätlege borçu tudıra.

“Le Soir” gazetı yazğança, Bel’giyädä ber atna êçendä koronavirus oçraqları 61%qa arttı.

Katarnıñ “Al-Raya Al-Katariya” basması “Soğud Ğaräbstanı xalıqara xoquqnı bozuçı illärneñ başında tora” dip yaza.

Berläşkän Ğaräp ämirlekläreneñ “El-İMARAT EL-YAUM” gazetı xäbär itkänçä, süriyälelär yaña parlament öçen tawış birde.

Ommannıñ “Vatan” gazetı Azärbaycan belän Ärmänstan arasındağı bäreleşlärneñ däwam itüe belän ber ük waqıtta Rusiyäneñ xärbi öyränülär ütkärüen citkerä.  

İspaniyäneñ “El Pais” gazetı yazğança, Brüssel’neñ basımı İspaniyä xökümäten êş reforması paketına üzgäreşlär kertergä mäcbür itä.

Şul uq ilneñ “El Mundo” basması xäbär itkänçä, İspaniyä koronavirus kizüendä päyda bulğan artularnı kontrol’gä alu öçen bu atnada yaña qararlar çığaraçaq.

Venesuêlanıñ “El Nacional” gazetı Kovid-19 çaraları arqasında Latin Amerikasınıñ bik küp cirendä rizasızlıq çaraları buluın yaza. Anda äytelgänçä, êşsezlär rätenä tağın kimendä 8 million yarım keşe kiläçäk.

Gazetem.ru xäbär säxifäse yazğança, Rusiyädä Kovid-19 vakśinasınıñ klinik sınawlarında söyeneçle waqıyğa: täcribä Burdenko xastaxanäsendä tögällänü adlında – soñğı volontyer törkeme öyenä qaytıp kitte.

“Kommersant” gazetı çarter oçışları başlasa, Törkiyägä Rusiyädän 3 million yarım – 4 million turist kitäçägen farazlıy.

“Ria Novosti” xäbär itkänçä, İtaliyä ğalimnäre ul’trafiolet nurlarnıñ koronavirusnı yuq itüdä täêsirle buluın rasladı.

“Tatar-inform” mäğ’lümat agentlığı yazğança, Röstäm Miñnexanov Tatarstan ilbaşı saylawlarında qatnaşu öçen Üzäk saylaw komissiyäsenä dokumentların tapşırdı.