Dönya matbuğatına küzätü 24.06.2020

“Deutsche Welle” Germaniyӓneň tanılğan virusologı professor doktor Kristian Drosternıň  “2 ay êçendӓ koronavirusnıň ikençe dulqını kilergӓ mömkin” dip kisӓtüen citkerӓ.

“Frankfurter Allgemeine Zeitung” beldergӓnçӓ, Germaniya 1 nçe iyül’dӓn Awrupa Berlegeneň çirattağı rӓislegen üz östenӓ ala.  

“Bild.de” Xorvatiya yar buylarına akular qurqınıçı yanawın belderӓ.

“Le Monde” yazğança, Kovid -19 belӓn körӓş qısasında alıp barılğan vakśina êşçӓnleklӓrendӓ köçle yarış bar hӓm laboratoriyӓlӓr arasında yӓrdӓm citӓrlek dӓrӓcӓdӓ tügel.

“France 24” Amerika Quşma Ştatlarında Kovid -19 yoqtıruda citdi dӓrӓcӓdӓ artış küzӓtelüen, Latin Amerikasında virustan 100 meň keşeneň ğomere özelüen xӓbӓr itӓ.   

“Le Parisien” Franśiyӓdӓ poliśiyanıň köç qullanuı hӓm qırıslığı xaqında 1 million keşe qul quyğan xatnıň ilbaşı Êmmanuêl’ Makronğa cibӓrelüe turında yaza.  

“Al Jazeera” yazğança, Süriyӓ rejimı Xama, As-Suwayda hӓm  Deir Ezzordağı İzrail höcümnӓrendӓ ülüçelӓr hӓm yaralanuçılar buluın citkerӓ.

“El País” xӓbӓr itkӓnçӓ, İspaniyӓdӓ xökümӓt hӓm oppoziśiya ğadӓttӓn tış xӓldӓn soň çaralarnı üz êçenӓ aluçı yaňa ğadӓti tormışqa kire qaytu qaranamӓsenӓ imza salırğa cıyına.  

“El Mundo” koronavirus çaraları qısasında Balear utrawlarında 10 qunaqxanӓdӓn barı tik 4 se genӓ açılaçaq dip belderӓ.

“Telesur” beldergӓnçӓ, Berlӓşkӓn Millӓtlӓr Oyışması komissiyӓse Venesuêlada Kovid -19 belӓn körӓştӓge saqlıq çaraların urınında kürep tikşerü öçen Venesuêlağa kitte.  

“Rossiyskaya” gazetı bügen Mӓskӓwdӓ Ciňü köne yöreşe uza, Rusiya üzeneň soňğı xӓrbi texnikasın kürsӓtӓ dip yaza.  

“Lenta.ru” Germaniya 22 nçe iyün’dӓ Rusiyӓgӓ yözlӓgӓn tonna atom - töş qaldığı cibӓrde dip xӓbӓr itӓ.  

“1. Kanal” xӓbӓr itkӓnçӓ, Rusiya Federaśiyӓse dӓwlӓt başlığı Vladimir Putinnan 2024 nçe yıldan soňğısı öçen qabat kandidatlıq signalı kilde.

“Tatar - inform” xӓbӓr itkӓnçӓ, Tatarstanda tӓwlek êçendӓ Kovid -19 infekśiyӓsen yoqtırğan 39 keşe açıqlanğan. Respublikada Kovid -19 diagnozı raslanğan 1169 keşene dӓwalaw dӓwam itӓ.