Dön'ya matbuğatına küzätü 22.06.2020
22nçe iyün' könne çıqqan qayber çit il matbuğat çaralarına küzätü
Al Quds Al Arabi: Liviyä tışqı êşlär ministrınnan Misır ilbaşı Abdulfättax äs-Sisigä cawap: “Liviyalılar Misırnıñ iminlegenä zarar kilüne dä, yanawnı da qabul itmi”.
Al Raye Al Qatariyye: Katar 2022nçe yılğı FİFA çempionatına xäzerleklärneñ 80%ın tämamladı.
Al Jazeera: İlbaşı häm kiñäşçe suğışı… AQŞta Aq Yortnıñ êlekkege milli iminlek kiñäşçese Djon Bolton: “İlbaşı Donal’d Tramp şäxsi mänfäğat’läre küz uñında totıp xäräkät itä, il idaräse öçen yaraqlı tügel”.
ZDF.de: Pandemiyä çorında täwge tapqır miting oyıştırğan AQŞ ilbaşı Tramp Germaniyäneñ saqlanuğa çığımnarı az buluın tänqıyt’läde.
Deutsche Welle: Törkiyä Liviyädäge balanslarnı üzgärtte häm tüntäreleşçe Xafternıñ iñ ähämiyätle yaqlawçılarınnan berse bulğan Franśiyäneñ strategik xisapları bozıldı.
Tagesschau.de: Germaniyäneñ Ştuttgart şähäre uramnarında atışu, 19 poliśiyä xezmätkäre yaralı, 24 keşe saq astında.
Le Figaro: Bügen Franśiyädä barlıq balalar mäktäp häm kolledjlarğa qabat yöri başladı.
France 24: Tunis: Tatavin şähärendä êş taläp itep uramğa çıqqan xalıq belän poliśiyä arasında törtkäläşü buldı.
France 24: İspaniyä, koronavirusqa qarşı çaralarnı yomşartqannan soñ, Franśiyä belän çiklärne qabat aça. İspaniyä xökümäte räise Pedro Sançes watandaşlarnı uyaw bulırğa çaqırdı.
TASS: Ukraina ğıynvar ayında İran tarafınnan bärep töşerelgän oçqıç nisbätennän xalıqara mäxkämägä möräcäğat’ itärgä mömkin.
RİA Novosti: AQŞnıñ êlekkege milli qurqınıçsızlıq kiñäşçese Djon Bolton beldergänçä, Rusiyä däwlät başlığı Vladimir Putin söyläşülärgä AQŞ ilbaşı Donal’d Tramptan tağın da yaxşıraq äzerlänä.
Lenta.ru: Putin 2024nçe yıldağı ilbaşı saylawlarına kandidatlıq mömkinlegen uylawın, älegä qarar birmäwen äytte.
Bäyläneşle xäbärlär
Dön’ya matbuğatına küzätü 27.08.2021
27nçe avgust könne çıqqan qayber çit il matbuğatı çaralarına küzätü