Dön’ya matbuğatına küzätü 05.06.2020

“Al Quds Al Arabi” basması yazğança AQŞta poliŝiya qırıslığınnan yaqtı dön’yadan kitkän Djordj Floyd öçen Minneapolista cänaza cıyını oyıştırıla.

Qatarda çığuçı “Al Raye Al Qatariyye” gazetı beldergänça Qatar DEAŞ belän köräştä täwäkkäl.  

“Al Jazeera” televideniyese citkergänçä Xama cirlegendäge Süriyä rejimına bäyle xärbi maqsatlarğa İzrail tarafınnan yaña hawadan höcümnär oyıştırıldı.  

“Deutsche Welle” media oyışması xäbärenä kürä koronavirus külägäsendä oyıştırılğan Dön’yaküläm vakŝina oçraşuında vakŝina yasaw êşçänlekläre häm fäqıyr’ illärdäge vakŝina programmaları öçen 8 milliard yevrolık fondka qarar birelde.  

Alman telendäge Stern.de internet säxifäse yazğança keşe xoquqların yaqlawçılar Amerika Quşma Ştatları däwlät başlığı Donal’d Trampka qarşı protestçılarğa qarata poliŝiya köçle qullanğanı öçen mäxkämä êşe aça.:

“Süddeutsche Zeitung” basması Braziliyaneñ bar dön’yada iñ küp Kovid-19 üleme kürelgän öçençe il buluın yaza.

İspaniyada dön’ya kürüçe “El País” gazetı beldergänçä Qıtaydağı yarqanatlarda yözlärçä koronavirus kürelde. 

Bel’giyaneñ “Le Soir” basması citkergänçä Franŝiya da poliŝiya qırıslığı häm rasaçılığın qabul itärgä tiyeş.  

TASS agentlığı xäbärenä kürä Rusiyä Saqlanu ministrlığı koronavirus vakŝinasın test itü öçen üzixtıyari törkem sayladı.

Ria Novosti xäbär säxifase yazğança Mäskäwdäge ber xastaxanä Kovid-19nı däwalaw öçen yaña ısul sınap qarıy.

İnterfaks xäbär agentlığı citkergänçä Rusiyä Noril’sk yılğasındağı sıyıq yağulıqnı çistartu öçen ütkärgeç tözi ala.