Dönya matbuğatına küzätü 02.04.2020

“Deutschlandfunk” beldergӓnçӓ, Törkiyӓ koronavirus belӓn körӓş qısasında İtaliya hӓm İspaniyӓgӓ saqlawçı bitlek hӓm kiyemnӓr cibӓrde.

Germaniyanıň “Deutsche Welle” media oyışması Germaniya sośial’ êlemtӓ çiklӓwen Pasxa bӓyrӓmennӓn sonğı waqıtqa qadӓr  ozınayttı dip xӓbӓr itӓ.  

İspaniyanıň “El Pais“ basması İspaniyada koronavirustan 9053 keşeneň ğomere özelde. Xökümӓt süz birgӓn 52 meň östӓmӓ mediśina xezmӓkӓre qayda? dip yaza.

Meksikanıň “La Jornada “basması IMFneň Kovid -19 belӓn körӓştӓ suğış waqıtındağı sӓyӓsӓtlӓrne ğamӓlgӓ kertü kirӓklege turındağı süzlӓren uquçıları belӓn urtaqlaşa.

Çilineň “La Tercera “gazetı Uimbldon tennis turnirı ütkӓrelmӓyӓçӓk.Bu çara sonğı tapqır İkençe bötendönya suğışında ğamӓldӓn çığarılğan ide dip belderӓ.

“Alsharq Alawsat” gazetı dönyada koronavirus yoqtıruçılar sanınıň 1 millionğa citüe turında yaza.

“Alquds Alarabi” gazetı AQŞ ilbaşı Donal’d Trampnıň İrannı “Ğıyraqtağı Amerika köçlӓrenӓ höcüm itӓsez ikӓn moňa bik köçle rӓweştӓ cawap qaytarılaçaq” dip kisatüen citkerӓ.  

“Aljazeera.net” xӓbӓr itkӓnçӓ, Amerika küzlӓw oyşması xisabına kürӓ Qıtaynıň koronavirustan ülüçelӓr hӓm çirlӓwçelӓr turındağı mӓğ’lümatları çınbarlıqnı çağıldırmıy.

”Le Figaro” yazğança, Franśiya ilbaşı Êmmanuel’ Makron muniśipal saylawlarnı oktyabr’gӓ küçerergӓ uylıy.

“Le Monde” koronavirus belӓn çirlӓwçelӓrne Parijdan başqa töbӓklӓrdӓge xastaxanӓlӓrgӓ küçerü artqannan arta bara dip yaza.

”Le Parisien” gazetı AQŞta koronavirustan 6 atnalıq bӓbineň ğomere özelüen citkerӓ.

Rusiyӓneň “RBK” xӓbӓr saytı beldergӓnçӓ, Rusiya Federal’ biomediśina agentlığı ildӓ koronavirus kizüeneň cӓygӓ qadӓr betӓçӓgen açıqladı.

Rusiyӓneň “Ria Novosti” xӓbӓr agentlığı Rusiya xökümӓte ildӓ êşlӓmӓw atnasın ozınaytunı tӓq’dim itte dip belderӓ.

Tatarstannıň “Tatar-inform” mӓğ’lümat agentlığı xӓbӓr itkӓnçӓ, Tatarstan ilbaşı Röstӓm Miňnexanov êşmӓkӓrlӓrne ölkӓnnӓrgӓ yӓrdӓm öçen xӓyriyӓ çarasına quşılırğa çaqırdı. Tatarstanda ölkӓnnӓr öçen buşlay azıq-tölek cıyılmaların tuplaw çarası başlandı.