Dön’ya matbuğatına küzätü 25.03.2020

“Al Raya” (Qatar): Quveyttä, Omanda häm Sudanda yaña awıru oçraqları kürende. Soğud Ğäräbstanında yaña tör koronavirustan (“Kovid-19”tan) berençe ülem.

“Al Şarq Al Awsat”: “Kovid-19” arqasında dönya külämendä 2,6 milliardtan kübräk keşe “öydä qal” çaqıruın üti.

“AL Jazeera”: Virusler ber-ber artlı kilmi: koronavirustan soñ Qıtayda hantavirus päydä buldı. Bu virus tıçqannardan yoğa.

Deutsche Welle: Germaniyanıñ aşığıç ixtıyac öçen zakaz birgän 6 million bitlek yuğaldı. Bitleklärneñ zakaz itelgän Keniyada yuğaluı isäplänelä.

Tagesschau.de: Tokio 2020 olimpiada uyınnarınıñ koronavirus global’ kizüe arqasında kiläse yılğa kiçekterelüe belderelde.

Handelsblatt.com: İq’tisadçılar koronavirusnıñ Germaniya iq’tisadında kim digändä yartı trillion yevro zararğa, ber millionnan kübräk keşeneñ dä êşen yuğaltuına säbäp bula alaçağın isäpli.

“İzvestiya” gazetı:  Mäskäwdä xastalıq ciñelçä bulğan oçraqta koronavirusnıñ öydä däwalanıluına röxsät birelde.

“Rambler” xäbär säxifäse: Amerikan “National Interest” jurnalı Rusiyäneñ T-95 tankın NATO öçen “qotıçqıç närsä” bularaq bäyäläde.

“TASS” agentlığı: Mäskäwdä koronavirus yoqqan 5 keşe däwalanğannan soñ xastaxanädän çıqtı.

“El País”, İspaniya: İspaniyada “Kovid-19”dan ülüçelärneñ sanı 2 meñ 937, awıru sanı isä 41 meñ 900gä citte.

“El Clarin”. Argentina: 86 yaña “Kovid-19” oçrağı bilgelände. Bu virusnıñ Argentinağa barıp citüennän son bilgelängän iñ yuğarı awıru oçrağı. Tuplam awıru oçrağı 387.

“El Tiempo”, Kolumbiya: Braziliya İlbaşı Jair Messias Bolsonaro “Kovid-19”nıñ ğadi gripp buluın äytte häm öygä yabılu çarasın tänqitläde.

“France 24”: Koronavirus: Qıtay Hubei provinśiyasındağı çikläwlärne ğamäldän çığardı.

“Le Figaro”: Koronavirüs: İspaniya kontrol’ tışındağı wazğiyät aldında.

“Le Monde”: Öy karantinı başlanğannan birle Parijnıñ Ile-de-France töbägendä hawa pıçraqlığı häm uglekislotalı gazlarnıñ çığarıluı azaydı.