Dön’ya matbuğatına küzӓtü 13.03.2020

Qatarda dön’ya kürüçe “Al-Raya Al-Katariya” gazetı Livanda koronavirustan 3 keşeneñ ülüen yaza. Aljirda da berençe oçraq kürelde.  

Angliyada çığuçı bӓysez ğarӓp gazetı “Alsharq Alawsat” beldergӓnçӓ Soğud Ğarӓbstanında 17 yaña awıru oçrağı kürelde.

Alman telendӓge ard.de xӓbӓr sӓxifӓse yazğança Germaniyada koronavirustan ülüçelӓr sanı 6ğa citte.

Şul uq ilneñ zdf.de internet sӓxifӓse xӓbӓrenӓ kürӓ Awrupa Berlege AQŞnıñ sӓyӓxӓt tıyuına reakśiya belderde.

Deutsche Welle media oyışması Kreml’ açıqlawın citkerӓ: “Törkiyӓ belӓn yaqın xezmӓttӓşlek dӓwam itӓçӓk.”

İspaniyada çığuçı “El País” basması ildӓ 10 millionnan artıq uquçınıñ mӓktӓpkӓ barmayaçağın citkerӓ.

Paragvaynıñ “Ultimahora” gazetı ildӓge virus oçrağınıñ 6ğa citüen yaza.  

Meksikada dön’ya kürüçe “La Jornada”gazetı beldergӓnçӓ Kovid-19 qurquı arqasında AQŞnıñ N’yu-York şӓhӓrendӓge Wall Street üzӓgendӓ finans êşçӓnleklӓr tübӓnӓyde, 1987 yıldan birle iñ naçar wazğiyӓt’ küzӓtelӓ.  

Franśiyaneñ “Le Parisien” basması yazğança dӓwlӓt başlığı Makron mӓktӓp hӓm yuğarı uqu yortlarnıñ yaña açıqlaw yasalğanğa qadӓr yabılaçağın citkerde.

Şul uq ildӓ basıluçı “Le Figaro” gazetı xӓbӓrenӓ kürӓ Kanada xökümӓt rӓiseneñ xӓlӓl cefete dӓ virus yoqtırğan, Djastin Trudo üze dӓ karantin astında.

Bel’giyaneñ “Le Soyr” gazetı pandemiyane 13 meñnӓn artıq bel’giyaleneñ yoqtıra alaçağın belderӓ.

Rusyӓneñ RİA Novosti xӓbӓr agentlığı citkergӓnçӓ AQŞ dӓwlӓt sӓrqӓtibe Mayk Pompeo “Rosneft’”ka çiklӓw qararınıñ maqsatın açıqladı.   

Şul uq ilneñ “İnterfaks” agentlığı yazğança Rusiyӓdӓ soñğı tӓwlektӓ 6 yaña koronavirus oçrağı tabıldı.  

Tatarstannıñ “Tatar-inform” xӓbӓr agentlığı beldergӓnçӓ Röstӓm Miñnexanov dön’yada koronavirus taralu sӓbӓple çit illӓrgӓ sӓfӓrlӓrne kiçekterde. Xӓbӓrgӓ kürӓ Qazan Kremle Tatarstanda planlaştırılğan barlıq zur çaralarnı başqa waqıtqa küçerü planın ӓzerli.