Dön’ya matbuğatına küzätü 04.03.2020

“Alşarq Alawsat” (Soğud Ğäräbstanı): Soğud Ğäräbstanında sonğı täwlektä koronavirusnı yoqtıruçı bulmadı.

“Al-Raya Al-Qatariya” (Qatar): Oman soltanlığında 12 keşe koronavirus êläktergän.

“Watan” (Soğud Ğäräbstanı): Yämändäge käberlär İrannıň qoral saqlağıçına äylände.

Welt.de: Törkiyä Süriyädä Bäşşar Äsäd rejimınıň xärbi oçqıçın bärep töşerde.

Spiegel.de: Amerika Quşma Ştatlarında super sişämbe. Demokratlarnıň ilbaşı namzäte Joe Bayden 10 ştatta alsaylawnı ciňde. Köndäşe Sanders isä barı tik 3 ştatta qına alda.

Deutsche Welle: Tora-bara tökänä: Franśiya bitlek zapasların konfiskaśiyäläde. Franśiyada xökümät tiz cäyelgän koronavirus oçraqları arqasında ildäge küp sanda mediśina bitlege zapasların konfiskaśiyäläde. Franśiyadağı häm Germaniyadağı xastaxanälärdän dä bitlek urlandı.

Rusiyäneň “lenta.ru” xäbär säxifäse: Rusiyädä 6 keşedä koronavirus bilgelände.

Gazetem.ru: Rusiyä İlbaşınıň matbuğat süzçese Dmitriy Peskov: “Kreml’ İdlibtä Rusiyä belän Törkiyä arasında bäreleş riskın azaytunı ömet itä”.

“Russian.rt”  xäbär säxifäse: Rusiyä velosipedçıları Berläşkän Ğaräp Ämirleklärendä karantinğa alındı, ike rus sportçısında yaňa koronavirus (Kovid-19) üzençälekläre tabıldı.

Le Figaro (Franśiya): Koronavirus: Franśiyada üle sanı 4kä citte, 212 oçraq bilgelände.

Le Monde (Franśiya): Franśiyada koronavirus yanawına qarşı mobilizaśiya üsä.

Le Soir (Bel’giya): Franśiya: Pensiya reforması (Parlamentta) berençe utırışta qabul itelde.

El País: (İspaniya) Xökümät koronavirustan täêsirlängän şirkätlärne yaňadan qalqındıru öçen bertörkem çara äzerli.

El Mundo: (İspaniya)  Êl Salvador İlbaşı Nayib Bukele qulğa alınğan banda äğ’zaläreneň “xätta qoyaş nurın da kürmäwlären” boyırdı. Däwlät başlığı bu qararın 28 yäşendä ber ğaskärineň irektäge banda äğ’zaläre tarafınnan üterelüennän soň qabul itte.0

Telesur: Boliviyanıň êlekke Däwlät başlığı Evo Morales: “Boliviya xalqına ixtiramlılıqnı qabat qazandıraçaqbız”

Tatarstannıň “Tatar-inform” agentlığı, Tatarstannıň Çallı qalasında tatarça köräş häm qul köräşe berläşterelgän turnirnıň ütkäreläçägen xäbär itä.