Dönya matbuğatına küzätü 18.02.2020

Angliyädä çığuçı bäysez ğaräp gazetı “Alşarq Alavsat” yazğança, Süriyä rejim köçläre Xalebtä alğa baruın däwam itterä.

Katarnıñ “Al-Raya Al-Katariya” basması Kuveyt ämireneñ yarlıqaw qararı nigezendä saq astındağı 840 keşeneñ irekkä cibärelüe turında yaza.

İspaniyanıñ “El Mundo” basması 7 yäşlek qız balanı ğazaplap intekterep üterü Meksikanı teträtte dip xäbär itä.

Çilinıñ “La Tercera” gazetı yazğança, Boliviyadağı saylaw  yarışında ilneñ êlekke däwlät başlığı Êvo Morales namzäte täwge anketalarda berençe bulğan.

”Bild.de” säxifäse Rusiya Federaśiyäse däwlät başlığı Putinnıñ Süriyädäge bombaları belän yaña qaçaqlar krizisına yul açuın xäbär itä.

“Deutsche Welle” media oyışması beldergänçä, Germaniyada möselman oyışmalar maçetlärneñ tağın da yaxşıraq saqlanuın soradı.

Germaniya xökümäte häm möselman oyışmalar çiktän tış uñçı terror berläşmäse maqsatında möselmannar häm mäçetlär buluına reakśiya belderde.

Franśiyanıñ “Le Figaro” basması layıqlı yalğa çığu reforması belän bäyle finanslaw konferenśiyäse sişämbe könne êşçänleklären başlap cibärä dip yaza.

Rusiyäneñ “Lenta.ru” säxifäse xäbär itkänçä, “Gazprom” citäkçese Aleksey Miller komandasınnan 2 keşe wazıyfadan kitkän.

Rusiyäneñ “MK.ru” säxifäse Ukraina tışqı êşlär ministrlığınıñ ukrainalı qaçaq balıqçılarnı Qırımda qulğa alu uñayınnan Rusiyägä protest belderüen citkerä.

“Tatar-inform” mäğ’lümat agentlığı Törkiyädä Xäsän Tufanğa bağışlanğan fleşmob başlanuı turında yaza. 2020 nçe yıl däwamında Törkiyä universitetlarında Tufannı iskä alu çaraları uzdıru planlaştırıla.