Dön'ya matbuğatına küzätü

 “Al Quds Al Arabi” basması Dubay almaz birjası başlığı Äxmäd Bin Sulayemnıň İzrail’dä qıymmätle asıltaşlar kürgäzmäsendä qatnaşuın citkerä.

 “Al Sharq Al Awsat” gazetı yazğança, Tripolida utnı tuqtatunı bozu däwam itä, Liviya milli kileşü xökümäte başlığı Al Sarraj çittän qatışularnı tuqtatırğa çaqırdı.

 “Al Jazeera” basması Törkiyäneň “Süriyä rejimın İdlibtäge kontrol’ punktlarınnan çığarabız” digän süzlären uquçıları belän urtaqlaşa.  

 “Spiegel.de” xäbär itkänçä, Germaniya xökümäte Törkiyä häm Ğaräp Ämirleklärenä qoral satarğa röxsät birde.

“Merkur.de” säxifäse Bötendönya sälamätlek saqlaw oyışması koronavrusqa yaňa isem birde, Germaniyada yaqınça 200 keşe karantinda totıla dip citkerä.

”Le Figaro” basması Süriyäneň İdlib şähärendä humanitar krizis küzätelüe turında yaza.

”Le Monde” gazetı yazğança, Berläşkan Millätlär Oyışması İzrailneň cirläşü urınnarında êşçänlek başqaruçı 112 şirkätne bilgeläde.

”Le Temps” basması Şveŝariyanıň kiber höcümnärgä qarşı saqlawçısız buluın citkerä.

 “El Pais” gazetı oyıştıruçılarnıň koronavirus kizüe arqasında Barselonadağı Bötendönya mobil kongressın ğamäldän çığaruın xäbär itä.

Argentinanıň “Infobae” basması AQŞ ilbaşı Donal’d Trampnıň Êkvador däwlät başlığı Lenin Morenonı Aq Yortta qabul itüen belderä.

 “Gazetem.ru” xäbär säxifäse Mäskäw ,aşığıç qararlar qabul itelmäsä, Rusiya häm Törkiyäneň uňışqa ireşä alaçağın belderä dip yaza.

 “Lenta.ru” xäbär itkänçä, Rusiya Yekaterinburg qalasında yaňa bilgelängän Qıtay baş konsulın 2 atna karantinda tota.

”Kommersant” gazetı Rusiyädä çit il keşelärenä ike watandaşlıq birü proyektınıň bu ayda Dumada qaralaçağı turında yaza.

 “Tatar-inform” mäğ’lümat agentlığı beldergänçä, Kanadanıň Monreal’ şähärendä tuıp üskän millättäşebez Ädilä Usmanova Monreal’dä “SUPERFANTASTICO 2020”dip atalğan Xalıqara ital’yan tele konkursında qatnaşıp final turına ütkän.