Dön'ya matbuğatına küzätü 10.02.2020

Germaniyäneñ “Doyç Velle” gazetı Törkiyäneñ İdlibkä östämä köç cibärüen yaza.

Nemeś telendäge “Fokus” citkergänçä, tizlege säğatenä 180 çaqrımğa citkän Sabina ğarasatı Germaniyada tormışnı paraliçladı.

Spiegel.de säxifäse yazğança, “Parazit” yılnıñ iñ yaxşı fil’mı Oskarın aldı.

Ğaräp telle basmalardan “Al-Raya Al-Katariya” gazetı yazğança, Katar Kuveytqa 15 yıl buyınça sıyıqlandırılğan tabiğıy gaz biräçäk.

Soğud Ğaräbstanında ingliz telendä çığuçı “Alşark Alawsat” gazetı Qıtaynıñ koronavirus belän köräşüçe şirkätlärgä 43 milliard dollar biräçägen citkerä.

Livannıñ “Al Mustakbal” gazetı ilbaşı Ärdoğannıñ “güya tınıçlıq planın qabul itmibez” süzlären alğı planğa çığara.

İspaniyäneñ “Êl Pais” gazetı İspaniyä xökümäteneñ franśuz-nemeś küçärennän yıraqlaşıp, İtaliyä belän bäyläneşlärne köçäytüen yaza.

Şul uq ilneñ “Êl Mundo” gazetı koronavirusnıñ Qıtayda êşçänlek alıp baruçı İspaniyä şirkätlärenä naçar täêsir itüen citkerä.

Rusiyäneñ TASS xäbär agentlığı yazğança, tışqı êşlär ministrı Sergey Lavrov Rusiyäneñ Ukraina belän qabat ber-bersenä ilçe bilgeläwenä qarşı bulmawın belderde.

“İzvestiyä” gazetı xäbärenä qarağanda, Rusiyä xökümäte koronavirusnıñ ildä taraluına qarşı çara bularaq mediśina bitlege öçen strategik zapas yasaw kürsätmäse birde.

Lenta.ru säxifäse qaraqlarnıñ rusiyäleläneñ bank xisaplarınnan aqça urlaw öçen yaña yul tabuın yaza.

“Le Soir” gazetı Bel’giyädäge Siara ğarasatınıñ zararı turında citkerä: poyızd häm oçqıç säfärläre ğamäldän çığarıldı.

Franśiyäneñ “Le Figaro” gazetı “Ber bomba yanawı dulqını Mäskäwne teträtte” dip yaza.

“Frans 24” gazetı Bötendön’ya sälamätlek saqlaw oyışması belgeçläreneñ koronavirustan 900dän artıq keşeneñ ğomere özelgän Qıtayğa kitüen citkerä.

“Tatar-inform mäğ’lümat agentlığı Tatarstan başqalası Qazanda Soğud Ğaräbstanı häm Törkmänstan konsullıqları açılacağın xäbär itä.