Dön’ya matbuğatına küzätü 03.02.2020

Alman Tagesschau.de xäbär säxifäse beldergänçä Germaniya İdlibtän qaçuçı tınıç xalıqnıñ sıyınu häm qalğan ixtıyacları öçen Törek Qızılayına 25 million yevrolık yärdäm kürsätäçägen açıqladı.

Şul uq ilneñ Deutsche Welle media oyışması Germaniya Kanŝlerı Angela Merkel’neñ 5-8 fevral’ könnärendä Kön’yaq Afrika Cömhüriyätenä baraçağın citkerä.

Aljazeera.net internet säxifäse yazğança Misır oppoziŝiyase AQŞ tınıçlıq planına qarşı İstanbulda kürgäzmä oyıştırdı.

“Alquds Alarabi” basması xäbärenä kürä İzraildäge “Likud” partiyase “Ğasır kileşüe”n Kneset saylawınnan alda raslanuın teli.

Angliyada çığuçı bäysez ğaräp gazetı “Alsharq Alawsat” Qıtaynıñ Riyadtağı ilçeseneñ süzlärenä urın bira: “Koronavirusnı kontrol’ astına alıp, däwalanu yulların tabıp bula.”

Franŝiyada dön’ya kürüçe “Le Parisyen” gazetı däwlät başlığı Makronnıñ Pol’şağa kitüen yaza. Xäbärdän kürengänçä franŝuz ilbaşı ike il arasındağı mönäsäbätlärne cayğa salırğa tırışa.

Şul uq ilneñ “Le Figaro” basması beldergänçä Kanadada 500 keşe cir şuışuı arqasında çañğı şuu üzägennän çığa almıyça qaldı.

İspaniyada basıluçı “La Vanguardia” gazetı koronavirus kizüeneñ dön’ya iqtisadın qurqınıç astına quyuın citkerä.

Argentinanıñ “Infobae” xäbär portalı yazğança Peru başqalası Limada gaz töyälgän tankernıñ şartlawı näticäsendä ülüçelär sanı 22gä citte.

Rusiyädä çığuçı “Kommersant” basması xäbärenä kürä Awrupada benzin oçsız bulğan ikençe il – Rusiyä.

Tatarstannıñ “Tatar-inform” mäğlümat agentlığı beldergänçä Röstäm Miñnexanov êş säfäre belan N’yu-Yorkka kilde. Xäbärgä kürä Tatarstan däwlät başlığı Berläşkän Millätlär Oyışmasında bulırğa planlaştıra, anda BMO ğomüm särqätibe Antoniu Guterriş häm Rusiyäneñ BMO qarşındağı Daimi wäkile Vasiliy Nebenzya belan oçraşular uzdıraçaq.