Dön’ya matbuğatına küzӓtü 30.01.2020

Angliyada basıluçı bӓysez ğarӓp gazetı “Al Sharq Al Awsat” beldergӓnçӓ Fӓlӓstin ilbaşı Mӓxmüt Abbas AQŞ tınıçlıq planın İminlek şurasında quzğataçaq.

“Al Quds Al Arabi” basması Vaşingtondağı pravoslav yӓhüdlӓrneň Tramp planın kire qağuların açıqawın yaza.

“Al Jazeera” gazetı yazğança Yordannıň könbatış üzӓnlegendӓge bӓreleşlӓrdӓn soň İzrail Ğazzӓne bombağa tottı.

Alman “Süddeutsche Zeitung” gazetı Törkiyӓ ilbaşı Ӓrdoğannıň Putinnı kisӓtüen citkerӓ.

Xӓbӓrgӓ kürӓ Ӓrdoğan Rusiyӓneň Ӓnkara citӓkçelege belӓn tözelgӓn kileşüne ütӓmӓwen ӓytte.

Germaniyaneň “Doyçe Velle” media oyışması koronavirustan ülüçelӓr sanınıň 170kӓ citüen yaza.

Xӓbӓrdӓn kürengӓnçӓ qurqınıç virustan ülüçelӓr sanınıň tizlek belӓn artuı Bötendön’ya sӓlamӓtlek saqlaw oyışmasın êşkӓ kereşterde. Oyışma koronavirus arqasında bügen krizis utırışı oyıştıraçaq.

Şul uq ilneň Spiegel.de xӓbӓr sӓxifӓse beldergӓnçӓ Awrupa Parlamentı Breksit kileşüen rasladı.

Franŝiyaneň France 24 televideniye kanalı Awrupa Parlamentınıň Breksit kileşüen raslawın xӓbӓr itӓ.

Şul uq ilneň “Le Parisyen” basması yazğança Franŝiyada koronavirusnıň 5nçe oçrağı kürelde, ike xasta reanimaŝiyada.

Rusiyӓneň TASS xӓbӓr agentlığı Rusiyӓ dӓwlӓt başlığı Vladimir Putinnıň bügen pӓnceşӓmbe könne qısqa êş sӓfӓre belӓn Rusiyӓgӓ kilӓçӓk İzrail prem’yer-ministrı Binyamin Netanyaxu belӓn Mӓskӓwdӓ küreşӓçӓgen yaza. Xӓbӓrgӓ kürӓ Putin hӓm Netanyaxu Trampnıň “ğasır kileşüen” söylӓşӓçӓklӓr.

Şul uq ilneň Ria Novosti agentlığı Törkiyӓdӓ yaňa koronavirusnıň turizm tarmağına tӓêsir itüen citkerӓ.

Vesti gazetı beldergӓnçӓ Yıraq Könçığıştağı 5 rus töbӓgendӓ Qıtay belӓn çiklӓr yabılaçaq.