Dönya matbuğatına küzätü 28.01.2020

Katarnıñ “Al-Raya Al-Katariya” basması 21 meñ süriyäle Törkiyä çik buyına taba yulğa çıqtı dip yaza.

Rusiyäneñ “TASS” xäbär agentlığı beldergänçä, Rusiya Federaśiyäse êçke êşlär ministrlığı 2019 nçı yılda iq’tisadi cinayät’lär belän bäyle zararnıñ 447 milliard rubl’ buluın açıqladı.

Rusiyädä çığuçı “İzvestiya” gazetı it häm söt bäyäläreneñ 12%qa kütärelä alaçaq dip farazlıy.

”Focus.de” säxifäse citkergänçä, koronavirus Germaniyağa da kilep citkän.

Franśiyanıñ “Le Figaro” basması Qıtayda koronavirus kizüendä ülüçelär sanınıñ 106ğa citüen häm mäktäplär açılunıñ da kiçekterelüen belderä.

”La Nación” gazetı kähwäneñ Kosta –Rikanıñ yaña milli simvolı buluın xäbär itä.

Tatarstannıñ “Tatar-inform” mäğ’lümat agentlığı xäbär itkänçä, Qazanda uquçı Qıtay studentlarınıñ koronavirus arqasında kanikulların ozınaytu küzdä totılmıy. Bügenge köndä Qazan ilküläm tikşerenü texnik universitetında (KAİ) Qıtaydan kilgän 64 student belem ala. Alarnıñ ber öleşe äzerlek bülegendä rus telen öyränä, ä ikençese yuğarı belem birü programmaların üzläşterä.

Şul uq agentlıq 16-18 nçe sentyabr’ könnärendä Mäskäwdä “Xatın-qız qulları belän” dip atalğan 3 nçe Xalıqara xalıq-sänğät’ hönärçeläre häm käsepçeläre festivale uzaçaq dip citkerä.

Çara qısalarında Rusiya häm xalıqara êkspertlar qatnaşında  êtnomodalar kürsäteläçäk, fütokürgäzmälär,master-klasslar häm netvorkinglar uzaçaq.