Dön’ya matbuğatına küzӓtü 27.12.2019

Germaniyada çığuçı “Frankfurter Allgemneine Zeitung” gazetı Törkiyӓneñ Liviyağa ğaskӓr cibӓrergӓ telӓwen yaza.

Şul uq ilneñ “Deutsche Welle” media oyışması beldergӓnçӓ Germaniyağa qaçaqlarnıñ mörӓcӓğat’lӓre azaya

Alman telendӓge Zdf.de internet sӓxifӓse xӓbӓrenӓ kürӓ Lufthansa hawa yullarında qabat êş taşlaw çarası küzӓtelӓ.

Qatarda dön’ya kürüçe “Al-Raya Al-Katariya” basması Törkiyä ilbaşı Räcäp Tayyip Ärdoğannıñ tübӓndӓge süzlӓren citkerӓ: “Kürsӓtmӓ çıqqannan soñ Liviyağa ğaskӓr cibӓrӓçӓkbez.”

Angliyada çığuçı bӓysez ğarӓp gazetı “Alşark Alavsat” yazğança Ğiraq dӓwlӓt başlığı wazifadan kitüen Parlamentka tӓqdim itte.

Omanda basıluçı “Vatan” gazetı Törkiyӓ ilbaşı Ӓrdoğan hӓm Tunis dӓwlӓt başlığınıñ Liviya mӓs’ӓlӓsen söylӓşüen belderӓ.

Şveyśariyada dön’ya kürüçe “Le Temps” gazetı beldergӓnçӓ Tön’yaq Ağım 2 proyektın batıru öçen Vaşington citӓkçelege Şveyśariyale diñgezçelek şirkӓte “Allseas”nı maqsat itep ala.

İspaniyaneñ “El Mundo” basması ilneñ 2020 yılğa de-fakto xökümӓt belӓn ayaq basacağın citkerӓ.

Venesuêlanıñ Telesur xӓbӓr portalı Braziliyaneñ êlekke dӓwlӓt başlığı Lulanıñ tübӓndӓge süzlӓren uquçıları belӓn urtaqlaşa: “Braziliyada demokratiyane qabat tözü öçen tırışlıq quyaçaqmın.”

Rusiyӓneñ Lenta.ru internet sӓxifӓse Qazaqstanda oçqıçnıñ kilep töşüen yaza. Xӓbӓrdӓn kürengӓnçӓ faciğada 15 keşeneñ ğomere özelde, 66 yaralanuçı bar.

Şul uq ilneñ RT televideniye çeltӓre beldergӓnçӓ Rusiyӓdӓ Yaña yıl tradiśiyaseneñ YUNESKO mirası isemlegenӓ kertelüe tӓqdim itelde.

Tatarstannıñ “Tatar-inform” xӓbӓr agentlığı citkergӓnçӓ çӓkçӓk Rusiyӓdӓ iñ yaxşı tatlı rizıqlar isemlegenӓ kertelde. Xӓbӓrgӓ kürӓ ӓlege isemlektӓ başqort balı da urın alğan.