Dön’ya matbuğatına küzätü 24.12.2019

“Al Jazeera” televideniyese beldergänçä Soğud Ğaräbstanınıň Cemal Qaşıqçı cinayäte belän bäyle qararları härkem tarafınnan kire qağıldı häm bäysez tikşerü taläp itelä.

“Al Quds Al Arabi” basması Bagdatta açlıq iğlan itü çarasınıň küzätelüen häm Ğiraqnıň kön’yağında urnaşqan neft’ mäydannarı belän möhim yullarnıň yabıluın yaza.

“Al Sharq Al Awsat” gazetı xäbärenä kürä Soğud Ğaräbstanı 18 yäş’tän keçkenälärgä öyläneşüne tıydı.

İspaniyada dön’ya kürüçe “El Mundo” basması 2019 yılnıň Meksikanıň iň qanlı yılı buluın citkerä.

Kubanıň “Prensa Latina” gazetı beldergänçä Rusiyä prem’yer-ministrı Dmitriy Medvedev yaňa saylanğan Kubalı xezmättäşen täbrik itte.

Franṡiyada çığuçı “Le Mond” basması franṡuz xökümäteneň Raştuada da êş taşlaw çaraların tuqtata almawın yaza.

Şveyṡariyaneň “Le Temps” gazetı citkergänçä Cemal Qaşıqçı cinayätendä 5 keşe ülem cäzasına xökem itelde.

Bel’giyada basıluçı “Le Soyr” gazetı terrorçılıq qorbannarı öçen Awrupa yärdäm üzägeneň açıluın xäbär itä.

TASS xäbär agentlığı beldergänçä Rusiyäneň Xabarovsk töbägendä Su-57 xärbi oçqıçı töşte.

Germaniyaneň “Doyçe Velle” media oyışması xäbär itkänçä NATO ğomüm särqätibe Stoltenberg Rusiyä belän problemalarnıň çişeleşe öçen dialog yaqlı buluın belderep, döres şartlar barlıqqa kilgän oçraqta däwlät başlığı Putin belän küreşä alaçağın äytte.

Şul uq ilneň “Die Welt” basması Qıtaynıň import tovarlarğa 100 milliardlarça dollarlık tamğaxanä taşlaması yasarğa äzerlänüen yaza.

Turktatar xäbär säxifäse yazğança Tatarstan başqalası Qazanda “Zambezi yılğası” isemle zoopark açıldı. Xäbärdän kürengänçä zoopark cänleklär belän 2021 yılda tulaçaq.