Dönya matbuğatına küzätü 27.11.2019

Angliyädä çığuçı bäysez ğaräp gazetı “Alşard Alavsat” yazğança, AQŞ keşe xoquqların bozğan iranlılarğa qarata sankśiyälär däwam itäçäk dip beldergän.

Katarda çığuçı “Al-Raya Al- Katariya” basması Törkiyä ilbaşı Räcäp Tayyip Ärdoğannıñ “Solıx çişmäse” xäräkäte bilgele ber waqıtqa bäyle tügel” digän süzlären citkerä.  

Kuveytnıñ “Vatan” gazetı Bagdatta 3 ayırım urında şartlaw barlıqqa kilüen häm anda 6 keşeneñ ğomere özelüen,15 keşeneñ yaralanuı turında yaza.

Franśiyanıñ “Le Figaro”  gazetı Franśiya Malida ğomere özelgän ğaskärlären iskä ala dip belderä.

Germaniyanıñ “Deutsche Welle” media oyışması beldergänçä,  Mal’tada jurnalist ülemen tikşerü êştän kitügä säbäp buldı.

 “Süddeutsche Zeitung” basması Drezdenda muzey talaw waqıyğasınnan soñ saraynıñ yänä açıluın uquçıları belän urtaqlaşa.

Argentinanıñ “Infobae” basması Boliviyanıñ 11 yıldan soñ Vaşingtonğa tulı wäqalätle ilçe bilgeläwen belderä.

Rusiyädä çığuçı “Kommersant” gazetı Qıtay tışqı êşlär ministrlığı AQŞnıñ “minminçel” säyäsäte Yaqın Könçığışta totrıqsızlıq barlıqqa kiterä dip belderüen citkerä.

Rusiyäneñ “İzvestiya” gazetı xäbär itkänçä, Rusiya belän Gruziya arasında oçışlar 2020 nçe yılnıñ berençe yartıyıllığında qabat başlana.

Tatarstannıñ “Tatar-inform” mağ’lümat agentlığı beldergänçä, Tatarstan ilbaşı Röstäm Miñnexanov bügen Finlyandiyanıñ Rossiyädäge ğadättän tış häm tulı wäqalätle ilçese Mikko Xautala belän küreşä. Ul Tarastanğa Finlyandiya häm Tatarstan kompaniyäläre arasında xezmättäşlekne nığıtu öçen kilgän.