Dön’ya matbuğatına küzätü 25.11.2019

Deutsche Welle: Hong Kongta saylawda rekord külämdä qatnaşu. Qıtayğa bäyle Hong Kongta xalıq cirle saylawda tawış birde. Rekord däräcädä qatnaşu küläme belän uzdırılğan saylaw üzidaräle citäkçelek liderı Lam öçen ışanıç kvotasın tawışqa quyu üzençälegendä.

Süddeutsche Zeitung: Milliarder milliarderğa qarşı. N’yu-York şähär xakimiyäteneň êlekke başlığı Maykl Blumberg AQŞta kiläse yılda ütkäreläçäk saylawda namzät bulaçağın belderde.

Tagesschau.de: Germaniya tağın 5 meň 500gä yaqın qaçaq ala alaçağın açıqladı.

Alşarq Alawsat (Soğud Ğäräbstanı): Unnarça keşeneň ülemennän soň Ğiraqtağı (Ğıyraqtağı) grajdan baş kütärü köçäyde.

Al-Raya Al-Katariya (Qatar): Livan: ğomum êş taşlawnıň bügen ütkärelüe öçen çaqırular yasaldı.

“Watan” (Oman): Uram cıyınnarınıň yaňadan başlanuı belän Ğiraqta (Ğıyraqta) unnarça üle häm yaralı.

France 24: Xatın-qız ülemnäre belän bäyle qırıslıq oçraqların monnan arı xökümät kürmämeşkä salına alınmas.

Le Soir (Bel’giya) : Här dürt bel’giyalıdan berse klimat üzgäreşeneň çığanağı turında şöbxäle.

Le Temps (Şveyśariya) : Hongkongta demokratiya tarafdarlarınıň küpçelek ciňüe.

“Lenta.ru” xäbär säxifäse: Ukrainanıň könçığışında ber yaqlı bäysezlek iğ’lan itkän Doneśk töbägeneň Gorlovka qalasınıň êlekke gubernatorınıň Ukraina agentı buluı bilgele buldı.

“İzvestiya” gazetı: Rusiyä Federaśiyası yuğarı palatasında Qırımlı senator Kerç’ buğazındağı waqiğanıň (waqıyğanıň) (Ukraina köymäläreneň totqarlanıluı) Ukrainağa sabaq bulaçağın äytte.

“Nezavisimaya” gazeta: Belarus aqçanı Könbatışta êzli, xökümät tışqı kapital öçen teläsä qaysı ber êşxanäne sata ala.

El Pais: (İspaniya) “İspan Sośialist êşçe” partiyası (PSOE) häm ikençe sul partiya “Podemos” koaliśiyasınıň tözelüenä barı tik berniçä adım qaldı.

El Mundo: (İspaniya) Rafael Nadal mökämmäl sezon uzdırğannan soň İspaniyanıň Davis kuboğın qazanuında iň täêsirle isem buldı.

Telesur: (Venesuêla) Urugvay saylaw näticälärenä kürä, “Milli partiya” (PN) liderı Luis Lacalle Pou häm köndäşe sul qaraşlı “Kiň front” (FA) xäräkäteneň namzäte Martinez arasında bik äz ayırma bar, töğäyen näticälär comğa könne açıqlanaçaq.

Tatarstannıñ “Tatar-inform” agentlığı Tatarstan ğalimnäre Lälä Mortazina häm Marat Ğibatdinovnıň İstanbulda Därdmändne iskä alu cıyınında çığış yasawın xäbär itä. Şul uq agentlıq SSSR komp’yuter-sanaq sistemalarına nigez saluçı Bäşir Rämiyevne İstanbulda iskä aluların yaza. Agentlıq beldergänçä, tanılğan xäyriyäçe Şakir häm Zakir Rämiyevlärneň Törkiyädäge näsel däwamçısı, ädäbiyat ğalime Gönül Pultar Sovetlar Berlegendä iň berençe bulıp êlektron xisaplaw maşinasın uylap tabuçı keşeneň Rämiyevlär näselennän – şağir (şağıyr’) Därdmändneň onığı buluın açıqladı.