Dönya matbuğatına küzätü 20.11.2019

Angliyädä çığuçı bäysez ğaräp gazetı “Alşarq Alavsat” Germaniya poliśiyasınıñ höcüm başqarırğa äzerlängän 1 süriyälene qulğa aluın xäbär itä.

Katarnıñ “Äl- Raya Äl -  Katariya” basması Ärmänstan ilbaşı Katarğa säfär yasıy dip yaza.

”Ria Novosti” xäbär agentlığı Ukraina däwlät başlığı Vladimir Zelenskiy Normandiya dürlege formatında uzaçaq Parijdağı oçraşularda Donbassnıñ qabat Ukraina kontrolenä küçüe mäs’äläse xaqında söyläşergä teli dip citkerä.

Fransiyanıñ “Le Parisiyen” gazetı ildäge cämğiyät’lärneñ mäğ’lümatlarına kürä Parijda här kiçen 700 balanıñ ğailäse belän bergä uramda yoqlawın belderä.

Şul uq ilneñ “Le Monde” basması xäbär itkänçä, ildä transport çeltären yaxşırtunı küzdä totqan Transport qanunı parlamentta qabul itelgän.

Germaniyanıñ “Deutsche Welle” media oyışması citkergänçä, Törkiya êçke êşlär ministrı Söläyman Soylu “DEAŞ” äğ’zası bulğan çit il terrorçılarınıñ yıl azağına qadär illärenä tapşırılaçağın belderde.  

 “Süddeutsche Zeitung” basması kiçegep tä bulsa Awrupa Berlege byudjetında kileşü täêmin itelüen uquçıları belän urtaqlaşa.

“Nex24” xäbärenä kürä Germaniyada yılnıñ tabibı bülägenä Dilak Ärsoy layıq buldı.

Tatarstannıñ “Tatar-inform” mäğ’lümat agentlığı Mäskäwdä här yılnı “Tatar qızı” maturlıq häm talant bäyğese uza dip yaza. Bäygedä 27 yäş’kä qadärge tatar qızları qatnaşa ala. Qatnaşu öçen ğarizalr qabul itelä, saylap alu êtapları ğıynwar axırında, ä final aprel’ urtalarında uzaçaq.