Dönya matbuğatına küzätü 06.11.2019

Angliyädä çığuçı bäysez ğaräp gazetı “Alşark Alavsat” Riyad kileşüeneñ Yämändä säyäsi çişeleş tabuğa yul kürsätäçäge turında yaza.

Katarnıñ “Al-Raya Al-Katariya” basması Törkiyä ilbaşı idaräse süzçese İbrahim Qalınnıñ “Solıx çişmäse” xäräkäte terror däwläte qorunı yuqqa çığardı” dip äytkän süzlären uquçıları belän urtaqlaşa.

Omanda çığuçı “Vatan” basması Ğıyraqta protest çaralarınıñ däwam itüen ,anda ülüçelär sanınıñ arta baruın häm internet êlemtäseneñ özelüen citkerä.

Germaniyanıñ “Deutsche Welle” media oyışması Germaniya xökümäte häm avtomobil’ tarmağınıñ ildä êlektr belän êşläwçe avtomobil’ satıp alunı arttıru öçen yaña adım yasarğa äzerlänüen xäbär itä.

Şul uq ilneñ “Welt.de” säxifäse Afrikadan qaçuçı qaçaqlarnıñ Awrupa yulında diñgezgä qarağanda çüldä kübräk ülülären citkerä.

 “Tagesschau.de” säxifäse Paqıstan 2016 nçı yıldan birle Germaniyadan atom – töş , ximik häm biologik qoral alırğa mataşa dip yaza.

Rusiyäneñ “Ria Novosti” xäbär agentlığı  täwge Sankt-Peterburg - Törkiyä êş forumın 2020 nçe yılda ütkärü planlaştırıla dip xäbär itä.

Rusiyäneñ “Lenta.ru” xäbär portalı Ukraina däwlät başlığı Zelenskiynıñ kiñäşçe itep ber amerikalını bilgeläwen belderä.

Rusiyäneñ “Kommersant” gazetı yazğança,AQŞ citäkçelege Rusiyäneñ 2020 nçe uzaçaq saylawğa yoğıntı yasarğa tırışuına şiklänmi.

Franśiyanıñ “Le Parisiyen” gazetı Franśiyada möselmannarğa qarata rasaçılıqnıñ tınıçsız itüen citkerä.

Tatarstannıñ “Tatar-inform” mäğ’lümat agentlığı xäbär itkänçä Tatarstan ilbaş Röstäm Miñnexanov respublika xalqın Tatarstan Konstituśiyäse köne belän qotladı. “1992 nçe yılda Tatarstan Cömhüriyate Konstituśiyäsen qabul itü respublikanıñ xäzerge xoquqıy sistemasın buldıruda ähämiyätle rol’ uynadı,ictimaği-säyäsi üseşenä uñay yoğıntı yasadı” di ilbaşı.