Dön’ya matbuğatına küzätü 22.10.2019

Angliyada basıluçı bäysez ğaräp gazetı “Alşark Alavsat” beldergänçä İzrail prem’yer-ministrı Binyamin Netanyaxu xökümät qoru êşçänleklärennän waz kiçte.

Qatarda kön kürüçe “Al-Raya Al-Katariya” gazetı Törkiyä ilbaşı Räcäp Tayyip Ärdoğannıň tübändäge süzlären citkerä: “Süriyäneň ber qarışın da yawlamayaçaqbız häm terrorçılar belän küreşmäyäçäkbez.”

Germaniyaneň “Doyçe Velle” media oyışması Törkiyä ilbaşı Ärdoğan häm Rusiyä däwlät başlığı Putinnıň “Solıx çişmäse” xäräkäten söyläşer öçen Soçida küreşäçägen xäbär itä.

Şul uq ilneň Tagesşau.de internet säxifäse xäbärenä kürä alman saqlanu ministrı Kramp-Karrenbauer Süriyäneň tön’yağı öçen xalıqara kontrol’dä bulaçaq imin töbäk täqdim itte.

Boliviyada çığuçı “La Nasion” gazetı tawışlarnı isäpläwgä kürä ildäge saylawnıň berençe turında Êvo Moralesnıň ciňü yawlawın yaza.

İspaniyaneň “El Pais” basması diktatör Franko qabereneň küçerelüenä 22 ğailä äğzaseneň şahit bulaçağın citkerä. Xäbärdän kürengänçä bu êşkä däwlät 63.061 yevro sarıf itäçäk.

Franṡiyada basıluçı “Liberasyon” gazetı beldergänçä ilbaşı Makronnı Hind okeanında awır kön tärtibe kötä.

Rusiyädä kön kürüçe “İzvestiya” gazetı Rusiyä Hawa köçlärenä bäyle boralaqlarnıň Süriyädä AQŞnıň êlekke basazına töşep utıruın citkerä.

Şul uq ildä çığuçı “Vesti” basması xäbärenä kürä Rusiyädä benzin taläbeneň rekord däräcädä töşüe küzätelde.

Tatarstannıň “Tatar-inform” xäbär agentlığı beldergänçä Törkiyäneň İskeşähär qalasında Qazan tatarları mädäniyät yortında ütkän “Tatarça diktant” akṡiyasendä 125 yıl êlek küçenep kilgän tatarlarnıň onıqları qatnaşqan. Xäbärgä kürä alar diktantnı latin grafikasında yazğan.