Dön’ya matbuğatına küzӓtü 18.10.2019

Angliyada çığuçı bӓysez ğarӓp gazetı “Alşark Alavsat” ber törkem sulçı greklarnıñ Solonikidağı Törkiyӓ konsullığına höcüm itüen yaza.

Qatarda kön kürüçe “Al-Raya Al-Katariya” basması Ğiraq tışqı êlӓr ministrı Möxӓmmӓd Ali El Xekimneñ ike yaqlı mönӓsӓbӓtlӓrne nığıtu öçen Franśiyağa sӓfӓr yasawın citkerӓ.

Omanda basıluçı “Al-Vatan” gazetı Fӓlӓstin dӓwlӓt başlığı Abbasnıñ Soğud Ğarӓbstanına kitüen belderӓ.

İspaniyaneñ “El Pais” basması beldergӓnçӓ Kataloniyadağı ğomüm êş taşlaw çarası arqasında bu comğa El Prat aêroportında 42 oçqıç sӓfӓre ğamӓldӓn çığarıldı.

Venesuêlanıñ televideniye kanalı hӓm xӓbӓr portalı “Telesur” xӓbӓrenӓ kürӓ dӓwlӓt başlığı Maduro ileneñ Berläşkän Milltlär Oyışması Keşe xoquqların yaqlaw Şurasına ӓğza buluın qotladı.

Germaniyaneñ Şpigel.de xӓbӓr sӓxifӓse AQŞnıñ Törkiyä ilbaşı Räcäp Tayyip Ärdoğanğa Süriyӓdӓ telӓgӓnen birüen yaza.

Şul uq ilneñ Doyçe Velle media oyışması Awrupa Berlegeneñ yaña Breksit kileşüen raslawın citkerӓ. Kileşügӓ kürӓ Angliya Parlamentınnan da raslawnıñ çığuı kirӓk. Angliya prem’yer-ministrı Boris Djonson kileşüneñ şimbӓ könne raslanuın teli.

Bel’giyada çığuçı “Le Soyr” gazetı beldergӓnçӓ AQŞ Awrupa Berlege illӓrenӓ 7,5 milliard dollarlık östӓmӓ tamğaxanӓ salımın kertӓçӓk.

Rusiyӓneñ TASS xӓbӓr agentlığı AQŞ hӓm Törkiyӓneñ “Solıx çişmӓse” xӓrӓkӓten tuqtatıp toru mӓs’ӓlӓsendӓ kileşülӓren citkerӓ.

Şul uq ilneñ Lenta.ru internet sӓxifӓse xӓbӓrenӓ kürӓ Vaşington citӓkçelege Rusiyӓ Federal’ İminlek xezmӓte belӓn Rusiyӓdӓ oyıştırıluı planlanğan terror höcümnӓre belӓn bӓyle mӓğlümat urtaqlaştı.

Tatarstannın “Tatar-inform” xӓbӓr agentlığı beldergӓnçӓ “Aq Bars” xokkeyçıları matçka Tuqay süzlӓre yazılğan maxsus forma kiye çığa. Xӓbӓrdӓn kürengӓnçӓ formanıñ yaqası êçendӓ böyek tatar şağıyre Ğabdulla Tuqaynıñ “Ber tatar şağıyre süzlӓre” şiğırennӓn “Kükrӓk birep qarşı toram” süzlӓreneñ tӓrcemӓse töşerelgӓn.