Dönya matbuğatına küzӓtü 17.10.2019

Angliyada çığuçı bӓysez ğarӓp gazetı “Alşark Alavsat” yözlӓrçӓ süriyӓle kördneň Ğiraqqa taba xӓrӓkӓt itüen yaza.

Qatarda kön kürüçe “Al-Raya Al-Katariya” gazetı Törkiyӓ ilbaşı Rӓcӓp Tayyip Ӓrdoğannıň tübӓndӓge süzlӓren uquçıları belӓn urtaqlaşa: “Solıx çişmӓse” operaŝiyase qorallı keşelӓr imin töbӓktӓn kitkӓnnӓn soň azağına yaqınlaşaçaq.”

Livanda çığuçı “Al-Mustakbal” basması beldergӓnçӓ Pentagon tübӓndӓge açqılawnı yasadı: “Süriyӓneň tön’yağınnan 1000 Amerikan ğaskӓriye çigelde.”

Rusiyӓneň TASS xӓbӓr agentlığı Rusiyӓneň BMO Ğomüm Şurası berençe komitetınıň AQŞtan küçerelüen küzdӓ totuçı qarar ölgesen ӓzerlӓwen citkerӓ.

RİA Novosti agentlığı xӓbӓrenӓ kürӓ Rusiyӓ Federaŝiyase AQŞ dӓwlӓt obligaŝiyalӓrenӓ investiŝiyane 800 million dollarğa qadӓr arttırdı.  

Lenta.ru xӓbӓr sӓxifӓse Törkiyӓneň AQŞ çiklӓwlӓrenӓ cawap ӓzerlӓwen yaza.

Franŝiyaneň televideniye kanalı “Frans 24” beldergӓnçӓ AQŞ ilbaşı Trampka kürӓ PKK terror oyışması DEAŞtan da naçar.

Şul uq ilneň “Le Figaro” basması Breksit mӓs’ӓlӓsendӓ London citӓkçelege belӓn kileşü tözü ömeteneň tuuın belderӓ.

İspaniyadӓ basıluçı “El Pais” gazetı Kataloniyada qırıs tönneň uzuın yaza. Xӓbӓrdӓn kürengӓnçӓ transport çaralarına ut törtelde, xoquq saqlaw urınnarına höcüm oyıştırıldı.

Şul uq ilneň “El Mundo” basması Mursiyada cӓnnӓt urınnarınıň qaberlӓrgӓ ӓylӓnüen yaza. Xӓbӓrgӓ kürӓ soňğı waqıtlardağı köçle yawım-töşemnӓr, kerlelek, pestiŝidlar hӓm şӓhӓr tözeleşe tonnarça balıq hӓm diňgez can iyӓlӓreneň yar buylarına çığıp ülüenӓ iltӓ.

İspaniyaneň “La Vangardia” gazetı Meksikadağı Popokatepetl yanartawında yaňa şartlawnıň küzӓtelüen yaza.

Tatarstannıň “Tatar-inform” xӓbӓr agentlığı beldergӓnçӓ Qazanda Söyembikӓ xanbikӓgӓ hӓykӓl quyu öçen urın saylıylar.