Dön'ya matbuğatına küzätü 7.10.2019

Soğud Ğaräbstanında ingliz telendä çığuçı “Alşark Alawsat” gazetı yazğança, Ğıyraqta säyäsi dairälär sistemanıñ üzgäräçägennän qurqa.

Ğaräp telle basmalardan “Al-Raya Al-Katariya” isä Ğıyraqtağı rizasızlıq çaralarınıñ ilne xaosqa kitermäyäçägen yaza.

Livannıñ “Al-Mustakbal” gazetı da Ğıyraq temasın alğa planğa çığara. Anda 104 keşe ülüen häm 6 meñnän artığınıñ yaralanuın citkerälär.

Franśiyäneñ “Le Figaro” gazetı xäbär itkänçä, franśuzlarnıñ 75%ı öylärendä pestiśid qullana.

Şul uq ilneñ “Le Parisien” basması “Êmmanuêl’ Makron nigä migraśiyä temasın bu qadär küp kütärä?” dip sorıy

Älege temanı däwam itep “Le Monde” gazetı xakimiyättäge partiyäneñ migraśiyä xaqındağı bäxäs aldınnan borçulı buluın xäbär itä.

İspaniyäneñ “La Vanguardiya” basmasında sośialist Antonio Kostanıñ Portugaliyädä xökümät täise bularaq saylanuı turında yazma urın ala.

Nemeś telendä çığuçı “Doyç Velle” yazğança, Germäniyäneñ Śvikaw şähärendä çiktän tış uñçı terrorçı oyışma NSUnıñ qorbanı bulğan törek xatın-qızı istälegenä utırtılğan ağaçnı kistelär.

“Spigel onlayn” säxifäsendä Angliyä bankı HSBCneñ 10 meñ xezmätkären êştän çığaruı xaqında xäbär bar.

Rusiyäneñ “TASS” xäbär agentlığı citkergänçä, däwlät başlığı Vladimir Putin üzeneñ tuğan könen tabiğat’tä yaqınnarı belän bergä bäyräm itäçäk. Aña  -67 yäş’.

“Tatar-inform” mäğ’lümat agentlığı beldergänçä, Rusiyä möselmannarınıñ ruxi liderı möfti şäyex Rawil Ğaynetdin Yordaniyä patşası tikşerenülär üzäge tarafınnan yıl sayın tözelä torğan reytingta dön’yadağı iñ abruylı 500 möselman arasına kerde.