Dön’ya matbuğatına küzätü

Alsharq Alawsat (Soğud Ğäräbstanı): AQŞ Süriyä törmälärendä utırğan 128 meñ totqınnıñ azat itelüen teläde.

Al-Raya Al-Qatariya (Qatar): İlbaşı Ärdoğan: “Qaşıkçınıñ qatillären xökemgä tartu – bezneñ burıçıbızdır”.      

Al-  Watan (Oman): Ğiraq (Ğıyraq) belän Süriyä arasındağı çik buyı qapqası yañadan êşli başladı.

El País (İspaniya): İspaniyadağı Katalan töbägeneñ bäysezläşterelüe barışına qağılışlı xökem çığaru organı qararı aldınnan separatistlar 2018 referendumınıñ yıllığında uram cıyının oyıştıra.

La Jornada (Meksika): Tramp: “Mine wazıyfadan alsalar watandaşlar suğışı kilep çığar”.

La Tercera (Çili): Çilidä soñğı biş kön êçendä 4 köçle cirteträw. Aralarında bäyläneş barmı?

Le Parisien: Dön’yanıñ zur häm anonim şäxesläre Franśiyanıñ wafat bulğan êlekke İlbaşı Jaq Şirak öçen cıyıldı.

France 24: Kommunist Qıtay 70 yıllığın qotladı, Hong Kongta “açu köne"

Le Monde: Afina 2020nçe yıl axırına qadär 10 meñ qaçaqnı Törkiyägä kire cibärergä teli.

Rusiyäneñ “lenta.ru”internet portalı: Rusiyädä küp söyläşelgän “balkonda tämäke tartunı tıyu qanunı” ğamälgä kerde.

Rusiyäneñ “TASS” xäbär agentlığı: Belarus üz cirlärendä Rusiyä xärbi bazasınıñ tözelüen mäğ’näsez dip taba.

Rusiyäneñ “RİA Novosti” xäbär agentlığı: Rusiyäneñ şaqtıy bankı toraq kredit külämen töşerä.

Deutsche Welle (DW): Thüringen bundeslandı parlamentında tözelgän ikençe NSU tikşerü komissiyäse xisabın cämäğät’çelekkä açıqladı. Xisapta NSU oyışmasınıñ iminlek berämlekläreneñ iğ’tibar itmäwe arqasında bilgele itelä alınmawına basım yasaldı.

Zeit Online: Greśiya qaçaqlarnı tağın da tizräk ildän çığarırğa teli.

Süddeutsche Zeitung: Germaniya Fessenheimta urnaşqan bäxäsle franśuz şirkäte êşlätüçe atom stanśiyasınıñ här ike reaktorın 2020nçe yılnıñ iyün’ ayına qadär yabarğa teli. Êşlätüçegä yuğarı miq’darda kompensaśiya tüläwe küzdä totıla.