Dönya matbuğatına küzӓtü 27.09.2019

Germaniyadӓge n-tv.de internet sӓxifӓse beldergӓnçӓ Volkswagen Törkiyӓdӓ êşxabӓ qora. Êşxanӓdӓn Könçığış Awrupa illӓrenӓ êksport başqarılaçaq.

Şul uq ilneñ “Doyçe Velle” media oyışması İran dӓwlӓt başlığı Ruxanineñ Amerika Quşma Ştatlarına basım sӓyӓsӓten beterüe öçen çaqıru yasawın citkerӓ.

Nikaraguada çığuçı “La Prensa” gazetı ildӓge ber mӓktӓptӓ quldan yasalğan bombanıñ şartlawın, ülüçelӓrneñ bulmawın yaza.

Franśiyadӓ kön kürüçe “Le Figaro” basması xӓbӓrenӓ kürӓ ilneñ êlekke dӓwlӓt başlığı Jak Şiraknıñ ülüe arqasında düşӓmbe könne ber könlek milli matӓm iğlan itelde.

Rusiyӓneñ TASS xӓbӓr agentlığı tışqı êşlӓr ministrı Sergey Lavrov hӓm Amerika Quşma Ştatları dӓwlӓt sӓrqӓtibe Mayk Pompeonıñ söylӓşüne çiklӓw hӓm viza mӓs’ӓlӓlӓre belӓn başlatıp cibӓrӓçӓgen belderӓ.

Şul uq ilneñ RT xӓbӓr sӓxifӓse beldergӓnçӓ Rusiyӓdӓ balkonda tӓmӓke tartu tıyıldı.

Gazetem.ru internet sӓxifӓse Rusiyӓ hӓm Gruziya citӓkçeleklӓreneñ 11 yıldan soñ berençe tapqır küreşüen yaza.

Angliyadӓ çığuçı bӓysez ğarӓp gazetı “Alşark Alavsat” AQŞ Saqlanu ministrlığı Pentagonnıñ Soğud Ğarӓbstanına Patriot raketaları hӓm radar sistemaların urnaştıraçağın açıqlawın citkerӓ.

“Alquda Alarabi” basması xӓbӓrenӓ kürӓ qulğa alular hӓm yanawlarğa qaramastan Misırda bügen dӓ çaralarnıñ qabatlanuı kötelӓ.

“Addustor” gazetı Törkiyӓ, Paqıstan, Malayziyaneñ İslamofobiyağa qarşı urtaq televideniye kanalı qoraçaqların yaza.

Tatarstannıñ “Tatar-inform” xӓbӓr agentlığı beldergӓnçӓ Qazanda tatar telendӓ yaña radiostanśiya êşli başlayaçaq. Xӓbӓrdӓn kürengӓnçӓ teleradiotapşırular buyınça federal’ konkurs komissiyase “Kitap” radiostanśiyasenӓ 98,6 MGś yışlığında êşlӓrgӓ röxsӓt birde.