Dönya matbuğatına küzӓtü 18.09.2019

Angliyada çığuçı bӓysez ğarӓp gazetı “Alşark Alavsat” Soğud Ğarӓbstanınıñ neft’ citeşterüne arttıruın açıqlawınnan soñ neft’ bӓyӓlӓreneñ 6%ka kimüen yaza.

Qatarda kön kürüçe “Al-Raya Al-Katariya” gazetı Törkiyӓ-Rusiyӓ-İran oçraşuında Süriyӓ mӓs’ӓlӓsendӓge daimi çişeleş nigezlӓreneñ salınuın citkerӓ.

Livanda basıluçı “Al-Mustakbal” gazetı beldergӓnçӓ Livan prem’yer-ministrı El-Xariri irtӓgӓ möhim sӓfӓr belӓn Parijğa baraçaq.

Alman “Doyçe Velle” media oyışmasınıñ internet sӓxifӓse xӓbӓrenӓ kürӓ Angela Merkel’ Germaniyaneñ Soğud Ğarӓbstanına qoral satunı tuqtatu qararın üzgӓrtmӓyӓçӓgen ӓytte.

Şul uq ilneñ Tagesşau.de xӓbӓr sӓxifӓse Germaniyaneñ qaçaqlarnı qabul itü mӓs’ӓlӓsendӓ ӓkren êş başqaruın belderӓ.

Rusiyӓneñ internet portalı Lenta.ru Mӓskӓw citӓkçelegeneñ Ukrainağa tapşırılğan totqınnarnıñ Rusiyӓgӓ kerüen tıyuın yaza.

Şul uq ilneñ TASS xӓbӓr agentlığı Su-57 oçqıçında qullanu öçen soñğı texnologiyale kriptografik êlemtӓ sistemasınıñ sınap qaraluın citkerӓ.

İspaniyaneñ “El Mundo” basması beldergӓnçӓ ilneñ Valladolid şӓhӓrendӓ 20 minut buyı dӓwam itkӓn köçle yawım-töşem prospektlar hӓm tonnel’lӓrneñ yabıluına sӓbӓpçe buldı.

Venesuêladağı televideniye kanalı hӓm internet xӓbӓr portalı “Telesur” ildӓ qorılğan Milli dialog östӓleneñ ütkӓrelӓçӓk söylӓşülӓr öçen bar dön’yadan yӓrdӓm sorawın citkerӓ.

Franśiyadӓ çığuçı “Le Monde” gazetı Parij belӓn bergӓ 6 şӓhӓrdӓ mӓktӓplӓrneñ hawa kerlelegenӓ yuğarı dӓrӓcӓdӓ duçar qaluın yaza.

Şveyśariyadӓ basıluçı “Le Temps” gazetı Rim hӓm Parij citӓkçeleklӓreneñ qabat dialog qora başlawın xӓbӓr itӓ.

Tatarstannıñ “Tatar-inform” xӓbӓr agentlığı beldergӓnçӓ Başqortstannan Röstӓm Qazanbayev ike iptӓşe belӓn bergӓ “UAZ” avtomobilendӓ dön’ya tirӓli sӓyӓxӓt yasıy hӓm hӓr bulğan ilendӓ Tatarstan bayrağın kütӓrep rӓsemgӓ töşӓ.